38 ka pamilya sa merkado sa Lagtang papahawaon
Kagamhanan sa dakbayan sa Talisay mopugos na sa pagpapahawa sa 38 ka mga pamilya nga anaa nagpuyo sa merkado sa Lagtang tungod kay gamiton na ang maong lugar. Kini bisan paman og wala silay gitagana na relocation site. Apan andam ang pangagamhanan sa Talisay nga mohatag og financial assistance.
Nasayran ang merkado sa Lagtang wala magamit tungod kay nagdumili man og balhin ang mga manindahay sa Tabunok kaniadto.
Hinumgdan nga sa administrasyon karon ni Mayor Eduardo Gullas tinguha karon nilang gamiton kining tunghaan alang sa mga Technical Vocational School.
Gibutyag ni City Administrator Atty. Rudelyn Navaro nga kinahanglan karong buwana mapapahawa na ang mga nagpuyo sa maong merkado aron sugdan na kini sa pagtrabaho.
Gibutyag ni Navaro nga karong adlawa iyang estoryahan ang mga nagpuyo sa merkado aron pasabton sa ilang katuyoan. Wa pa usab nila masabuti kon pila ang hinabang pinansyal nga idunol sa mga namuyo niini.
Gipasabot ni Navaro nga ang maong mga pamilya gikan sa prebadong luna sa barangay Tangke, apan gibayran na usab sila sa tag-iya sa luna ug mihatag na usab ang city hall og tag P3,000.
Una niini ang maong mga pamilya gisaaran ni Mayor Gullas og relocation site ug mao usab kini ang ilang gipaabot. Si Navarro nga miingon nga aduna silay relocation site apan alang sa
mga urban poor group nga dugay nang ni- apply alang niini.