NAGDALA OG TAMBAL GIPRISO
Gidakop ang usa babaye gikan sa Britanya ug gibilanggo sa Egypt dihang nibiyahe sa nasud nga nagdala og “painkillers” alang sa nagsakit gna buko-buko sa iyang bana.
Si Laura Plummer, 33, molupyo sa Hull, gipriso dihang nasakpan siya nga nagdala sa painkiller nga tramadol ug Naproxen sa iyang bagahe.
Giingong nipirma siyag 38 ka pahina nga pamahayag sa Arabic nga pulong diin moresulta kini nga makabiya siya sa airport apan gipasud hinuon sa selda uban sa laing 25 ka mga babaye sud sa hapit usa ka buwan.
Ang iyang igsuong lalake nga si James Plummer, 31, namahayag nga ang ilang pamilya gipahibawo nga mag-atubang siyag 24 ka tuig nga pagkabilanggo diin ang usa sa mga abogado naghisgot nga posibling silutan siyag kamatayon.
Matod ni James nga gikutlo sa metro.co.uk nga ang iyang igsuong babaye gidakop nunot sa pagtuo sa mga awtoridad sa Egypt nga nalambigit siya sa “drug trafficking” apan nipahibawo kini nga nagdala siyag gamay nga tambal alang sa iyang Egyptian nga bana diin bisitahon sud sa duha ngadto sa uapt ka higayon matag tuig.
Matod sa mantalaang The Sun nga si Laura nagdala og 29 ka buok nga Tramadol diin ang usa niini may 10 ka tabletas uban sa Naproxen diin gamiton kini isip tambal sa sakit sa buko-buko sa iyang
bana nga naaksidente. “It’s just blown out of proportion completely,” matod ni James. Iyang gitumbok nga ang iyang igsuon nagtuo nga insakto ang iyang gibuhat pinaagi sa pagdala og tambal sa iyang bana ug nagtuo nga makalingkawas sa iyang pagkabilanggo.
“She’s so by the book, so routine, she just likes her own home comforts, watches Emmerdale every night or things like that, going to bed at nine o’clock every
night,” paghulagway niya sa iyang igsuon nga nabilanggo.
Matod niya nga ang iyang inahan ug mga igsuon nibiyahe sa Egypt aron mobisita kang Laura human kini nga mapriso niadtong Oktubre 9.
Ilang gitumbok nga wa na
sila makaila ni Laura nga gihulagway nilang daw sama na kini sa “zombie”.
Nitata siya nga ang buhok niini nagsugod nag pangatagak nunot sa “stress”. “I don’t think she’s tough enough to survive it. She has a phobia of using anybody else’s toilet, so let alone sharing a toilet and a floor with everybody else,” dugang padayag ni James.
Ang embahada sa Britanya nipakanaog og pamahayag sa insidente diin ilang gisuportahan kini lakip ang iyang pamilya samtang nabilanggo siya sa Egypt. /