Unsay nag-unang timailhan nga seryoso ang inyong relasyon?

Ester Delia Rosalina

Makita nimo nga seryuso ang inyong relasyon in so many ways: mangita ug paagi nga makahatag siya ug panahon sama sa pagtawag; pagpakigkita bisan pa ug pwerting busyha sa inyong adlaw tungod sa work; sa panahon nga gisapot ka iya kang sabtun ug dili ka niya patulan sa tupak sa imong ulo; mamisita sa balay; makighimamat sa banay sa pamilya; ug labaw sa tanan andam mo-dawat nimo bisan unsa pa imong na-agian.

Kenny Podunas Suarez

Wa sa ingon nag assume ko pero usa ragyud ang tima-ilhan, pareha me nga naay salig sa usag-usa. I-asa mana’ng gipangbuhat nga maayo kung wala man diay moy salig sa isig kaingon. Diha basihan ang relasyon kung seryuso ba o dili.

Antonette Nemeño

Ang timailhan sa usa ka lig- on nga relasyon kanang ka-antig mo likay sa tentasyon sa mga yawa nga naa sa palibot like sa mga laki kung naay babaye mopakita’g laing lihok, likayan na niya ug mao sad ang babae. Ug dapat way sekreto dapat mosulti jud bahala’g sakit basta open mo sa usa’g- usa para way duda.

Ronald Paunillan

Ang nag unang timailhan nga seryoso na ang among relasyon sa akong asawa karon gidawat niya kung unsa ang pagka-ako bisan sa among kahimtang nga lagyo mi, walay rason nga mawagtang among pagsalig sa usa’g- usa kay tinood man ang among gugma.

Irish Tejares

Based sa akong experience kay time ug effort jud sa inyung relasyon ang numero unoa nga timailhan aron maka-ana ka nga serious na inyung relationship despite sa iyang ka-busy naa jud siya’y time gigahin para sa imu then inubanan pud kanunay sa effort to show you how much he cares for you even in the simplest way.

Sweet Mary Varona Ymbong

Makita nimu nga seryuso na inyung relasyon kung caring, sweet, effort siya, andam niya buhaton para lang nimu ug labaw sa tanan malipay siya kung nana moy baby.

Patrick Campugan

Ang nag una gyud nga timailhan nga seryuso na ang inyung relasyon mao ang pag-propose sa lalaki ngadto sa iyang hinigugma uban sa mga pulong “Will you marry me?” o di ba kaha ang paghisgot nilang duha sa pagminyu.

Manny Ylanan

Ang timailhan na seryuso inyu relasyon kanang dad-on ka niya sa altar bahala’g naay walo ka anak ang babaye ug siya pud nag padako ug nag atiman kanila.

Shanen F. Borla

Dili ka biya-an bisan og magkina-unsa ang kalibutan. Andam mosabot ug modawat sa imong mga apan ug labaw sa tanan, dad-on ka sa altar sa simbahan, dili sa altar sa may biglang liko.