Fans ni Isabel modagsa gikan sa probinsya
Manila - Matod sa akong reliable source, moabot kuno ang patayng lawas ni Isabel Granada sa Pilipinas gikan sa Doha, Qatar sa Huwebes. Ang haya sa simbahan sa may Greenhills, San Juan pero daghan ang nag- suggest nga dapat sa Mt. Carmel na lang tungod kay mas accessible kumpara sa Greenhills. Tungod kay ang Greenhills, sobra ka traffic og lisod parkingan. Sa Mt. Carmel, dako ang parking space, diin dinhi usab gibilaran niadto si Kuya Germs.
Mas convenient kung sa Mt. Carmel ibilar si Isabel tungod kay atbang lang kini sa Broadway Centrum nga nahimong “balay” na ni Isabel Granada for the longest time ilabi na kaniadtong mga panahon nga namamayagpag pa sa ere ang That’s Entertainment. Modagsa sa bilar ni Isabel ang iyang fans dili lang sa Metro Manila kundi sa mga kasikbit nga mga probinsiya. Naka- ready na sila, trak-trak, jeep-jeep silang moabot sa bilar ni Isa para malili for the last time ang daw birheng nawong sa ilang idolo.
Ang nagdumala sa lugar sa pagbilaran ni Isabel mao ang iyang ex husband nga si Jeryk Gynasky ingon man ang partner niya karon nga si Jaycee Parker kauban si Nadia Montenegro.
Hinaut unta nga dunggon ni Geryk ang suggestion sa fans ni Isabel nga unta, sa Mt. Carmel na lang siya iburol.
Sa social media ilabi na sa Facebook, nihugop ang netizen sa pagpakita nila sa ilang dakong panghihinayang sa nahitabo kang Isabel. Sa mga individual nga may personal nga panagsuod kang Isabel, super post sila sa mga pictures diin kauban nila si Isabel.
Bisan kadtong dili personal nga kaila si Isabel, pero mapi- feel mo ang ilang kinasingkasing nga pakikiramay.
Aduna lang akoy nabasa sa FB nga post nga medyo ikinalokah ko. Mema lang. Usa ka Japayuki ang nag-post.
Ingon ani. “Sad ako sa nangyari kay Isabel Granada. Nagsama pa kami niyan sa isang show sa Kamata, Japan 17 years ago.” Wa bay mas recent Day, hehehe.
Usa si Isabel sa mga artista nga di ko nahinumduman nga may nakaaway nga co-talents o bisan reporters. Very lovable si Isa og very wholesome. Bisan kadtong napasama siya sa pelikula ni Rosanna Roces nga ang titulo, “Ligaya Ang Itawag Mo Sa Akin”, wholesome pa rin ang role ni Isabel. Usik lang tungod kay sa dihang natsugi ang That’s Entertainment, nalisdan si Isabel sa paglupad into full stardom, pero never naman siyang nawa sa circulation og kanunay mga may shows here and abroad. / Isabel Granada