Mahalin pa kaha ko?

Dear Papa Joe,

Tawga lang ko sa pangalan nga Helen, 55 years old, taga Mindanao. Buwag ko sa akong bana ug duna na sad miy mga anak nga mga Minyo na sad. Pero niari ko sa Cebu dihang nagbinuang ang akong bana.

Bisag unsa na lang nga trabaho ang akong gisudlan para maka survive. Wala sab masayod ang akong mga anak asa ko para dili ko maapas sa ilang amahan kay para nako sakto na. Unsa pa may kaugalingong kinabuhi na akong mga anak. Pero samtang nag inusara ko diri sa Cebu gibati sad nako ang kamingaw na maka hinigugma pero ang problema naay magpadayag nako di man sad nako magustuhan.

Di na ko makadawat nga tiguwang na ko. Naa say mga batan-on nga magpa char char nako, mahurot man sab ang akong kwarta kay ako na man hinuoy mamangka kay walay mga trabaho. Maayo unta og magpadama, kutob ra agbay agbay. Siguro kinahanglan ni og datong kay naa gyud koy na one night stand pero hurot sad akong savings kay nagpapalit og motor. Human ato, wala na makit-i. Unsay angay nakong buhaton? Palihug tambagi ko.

- HELEN

Helen,

Di gyud nimo malikayan nga pangwartahon ra ka sa uban nga mga lalake nga batan-on. Kay kon naay batanmahigugma og sama sa imong edad panagsa ra, mao nga mura ra nimo og gipalit ang ilang pag- company nimo. Pero kon malipayon ka, di na mag-matter ang kwarta pero kon tan-aw nimo dehado, ka undangi na uy.

Di lang relasyon sa lalake ang makalipay nimo ning kalibutana. Naa pay daghan labi na nagkaedad na ka, secure your self first. Daghang salamat.

PAPA JOE

(sa inyong tampo ipadala lang sa papajoesuperb@ gmail.com)