Shabu ipaguba dayon ni Osmeña

Buot ni Mayor Tomas Osmeña nga maguba dayon ang mga gidiling druga nga masakmit sa mga operasyon sa kapulisan ug ubang ahensiya sa gobiyeno sa tinguha nga dili na kini magamit o mabaligya pag-usab sa dautang elemento.

Gumikan niini, ang mayor gusto nga makapabalang og ordinansa ang Cebu City council para sa maong katuyoan ug magub sulod sa usa ka semana diin posibleng mangamahan niini mao si Konsehal Dave Tumulak, chairman sa committee on public order and safety. Sa naandan, ang mga shabu nga masakmit sa kapulisan tipigan kini aron ipakita panahon sa husay didto sa husgado ug dili mahilabtan ang ebendinsya hangtod dili mahuman ang kaso diin sagad sa mahitabo modangat kini og tagpila ka tuig sa dili pa masulbad.

Tinguha ni Osmeña nga ang mga drugas nga nasakmit, pirmahan nalang ang mga dokumento nga nagpamatuod sa nakuha tinuod nga shabu.

Hinuon, giklaro ni Osmeña nga dili makadiktar ang Cebu City Government sa maong polisiya hinungdan nga iyang ipadangat ang maong sugyot ngadto nilang Kongresman Rodrigo Abellanosa ug Raul del Mar para mapaabot ngadto sa kongreso ug mahimoan og house bill.

Sukad nilingkod si PSSupt. Joel Doria isip city director sa Cebu City Police Office, niabot og 26,539.93 gramos kon 26.5 kilos nga shabu ang ilang nasakmit sukad sa miaging tuig sa tibuok dakbayan.

Kini gilangkuban sa 3,289 ka police operation nga niresulta sa pagkasikop sa 5,119 ka mg durogista sama sa 4,465 ka drug user, 654 ka drug pusher ug lakip na ang ilang gihulagway nga high value target.

Si Doria niingon moabot ngadto sa 5,766 ka mga kaso may labot sa gidiling druga ang ilang nasang-at na ngadto sa prosecutor’s office.

I wanted to pass a city ordinance that will make it mandatory for all drugs confated destroyed. Mayor Tomas Osmeña sa iyang FB page