Bohol Int’l airport buksan sa 2018
PANGLAO ISLAND, BOHOL - Malampusong gihimo ang test flight sa Department of Transportation (DOTr) sa gihimo nga New Bohol International Airport. Sakay sa abyon sa test flight mao silang Department of Transportation Secretary Art Tugade, National Economic Development Authority Secretary Ernesto Pernia ug Cabinet Secretary Leoncio Evasco niadtong miaging Martes nga gikan sa kaulohan. Gisugat usab ang grupo ni Tugade sa kadagkuan sa probinsiya sa Bohol ubos ni Gob. Edgar Chatto. Gawas sa test
flight, nagpahigayon usab og inspeksyon si Tugade sa P7.8 bilyones nga kantidad sa tugpahanan ug anaa na kini sa 55 porsiyento sa konstraksyon. Gilauman nga makompleto kini sa Hunyo 2018 ug ablihan sa publiko sa Agusto 2018.