Katapusang buhilaman

Gibadbaran nako ang kangitngit sa akong kasingkasing; nakalingkawas na ang pinadayag sa nabanhaw nga daman nga nakagamot sa kantalita sa tuktugaok sa unang pagsubang sa Adlaw sa kasadpan. Panahon na sa pagpadala sa mga mamirahay sa akong panumdoman aron makutlo ang kahayag nga mikatay sa imong kalimutaw. Lusnuon ko ang kalangitan, dayon ilatag ilawom sa imong pagtuo nga naglakaw sa tubig nga nahiloan na sa imong kaugalingong kabangag nga ang ilusyon pundasyon sa imong pino nga balas nga makapatukod og kaliboan ka templo, mga templo diin maglanog-lanog ang urom sa imong kahangturan nga hagbay rang natumpag sa akong paglalang sa katapusang buhilaman.