Dugang damgo ni Tallo sa PBA

Human natuman ang pangandoy ni Jayven Mark Tallo nga makasulod sa Philippine Basketball Association (PBA), naghan-ay na sab siya og laing pangandoy – ang magdugay sa labing unang professional nga liga sa Asya.

Matod ni Tallo, kinsa surpresang gipili sa Talk N’ Text KaTropa isip No.10 overall pick sa miaging PBA Rookie Draft, nga nagpanikad na siya sa bag-ong kalibutan sa iyang pagkabasketbolista.

“Nana man gyud ko karon sa PBA, nag-set nako og laing goal which is magdugay ko sa PBA,” matod sa produkto sa Phinma-SWU Cobras sa pagpakighinabi ning mantalaan.

Giklaro ni Tallo nga buhaton niya ang tanan aron mas molambo pa ang iyang abilidad aron matuman ang bag-o niyang tahas.

“At least magdugay ko og 10 to 15 years sa PBA, mao gyud na akong goal karon,” dugang sa 6’1” pointguard.

Si Tallo, kinsa kanhi two-time MVP sa CESAFI, nagkanayon nga naghinamhinam na siyang makakat-on gikan sa pambatong pointguard sa KaTropa nga si Jason Castro, ang No.1

pointguard sa Asya.