KOREANO, UYAB NGA PINAY NASIKOP
Cebuana ug iyang uyab nga Koreano nasikop sa buy bust operation sulod sa usa ka hotel sa miaging gabii sa may Panagdait, Barangay Mabolo, dakbayan sa Sugbo.
Si Maria Adora Wenceslao, 22, taga taga isla sa Camotes ug uyab nga Koreano nga si Kyong Don King, 44, naa na sa buhatan sa Philippine Drug Enforcement Agency (PDEA) 7 nasikop.
Si Leia Albiar, tigpamaba sa PDEA-7 nga nahinabi sa Superbalita Cebu, nagkanayon nga sila si Wenceslao ug King nakuhaag 10 gramos nga shabu nga mobalor og P50,000l.
Ang ilang mga ahente nipahigayog buy bust operation batok kang Wenceslao, human sa pipila ka adlaw nga pag-monitor niini hinungdan nga nadakpan.
Ang ilang mga ahente nipalit og usa ka bulto nga shabu, nga mobalor og P31,000 gamit ang boodle money.
Si Albiar niingon nga sa ilang nahibaw-an sagad sa kustomer ni Wenceslao mga langyaw.
Wa motug-an si Wenceslao kon diin gikan ang iyang suppply sa drugas.