Wanted napusilan

Top 3 nga most wanted sa dakbayan sa Talisay napusilan sa kapulisan human nisuway og sukol atol sa operation sa sitio Mananga 2, Barangay Tabunok, dakbayan sa Talisay niadtong Biyernes sa buntag.

Ang suspek nga nidangat sa tambalanan mao si Ricky Tan, nagpuyo sa maong dapit.

Samtang laing mga kauban niini nga nasikop giilang sila si Cesar Taac-Taac, 25, ulitawo; ug Geoffrey Tabay, 22, pulos taga sitio Sagingan, Barangay Lawaan 3.

Matod sa imbestigador nga si SPO2 Yvonne Ilustrisimo nga aduna silay gihimong follow-up operation mahitungod sa pagrapido sa Talisay City Jail.

Samtang nakadawat silag report nga didto mitago ang usa sa mga suspek hinungdan nga miadto sila sa lugar.

Sa dihang misulod ang mga pulis, nisugat kanila ang grupo ni Tan nga pulos armado.

Matod pa ni Ilustrisimo nga nition sa iyang KG-9 nga armas si Tan hinungdan nga wa na maglangay ang mga pulis, gipusil kini.

Si Tan naigo sa wala nga bahin sa hawak.