39-anyos nga lalake gipatay
Patay ang usa ka lalake human gipusil sa wala mailhing tawo samtang giingong nipalit og shabu sa Magay, Barangay Tanke, siyudad sa Talisay niadtong Biyernes sa alas 9 sa gabii.
Ang biktima mao si Delbert Quinain, 39, taga Barangay Tunghaan, lungsod sa Minglanilla.
Base sa imbestigasyon ni PO2 Sydney Alisoso sa Talisay City Police, ang biktima kuyog sa uyab aron pagpalit og shabu apan gipusil kini human sa transaksiyon.