15 ANYOS ‘GIHINOL’

Hait nga kuko sa rapist maoy hinungdang nakamata ang biktima sa miaging kaadlawon sa Purok Alogbate, Barangay Tambongon, lungsod sa San Remegio.

Ang 15-anyos nga itago sa pangalan nga si 'Isabel', tinun-an sa grade 10 sa ilang lugar.

Ang suspek nga nasikop mao si Modelito Negro, 24, dunay kapuyo, lab-asero ug taga Tondo, Manila.

Si PO2 Crisanta Antopina, hepe sa Womens and Childrens Protection Desk (WCPD) sa San Remegio Police Station, niasoy nga hubog ang suspek ug nihimakak sa alegasyon.

Matod ni Antopina, ang biktima naa nagpuyo sa ilang apuhan.

Natulog sila sa sala tupad niini ang 15-anyos nga dalagita ug ig-agaw, kinsa natulog sab sa sala.

Giingong mibakasyon ang suspek uban sa iyang igsuon.

Apan ang suspek kay hubog kay nag-inom sa miaging gabii ug pagka alas 12:30 sa kaadlawon nikamang kini paingon sa biktima.

Si PO2 Antopina niingon nga ang biktima nibutyag nga nakamata siya kay dunay nagsige og hikap sa iyang totoy ug ang iyang kinatawo gihinol.

Nikisikisi ang biktima nga wala nay pante ug short human gihuboan sa suspek kinsa nagsige'g sud ang tudlo ngadto sa kinatawo niini.

Ang biktima nakasulti pa kini ngadto sa suspek “ayaw Model kay... ra ta."

Apan ang suspek wala manumbaling sa gisulti sa biktima nga wala na makaagwanta sa kasakit sa kinatawo ug gipatiran si Negro nga hubo ang tibuok lawas.

Nipalayo ang suspek ug nahadlok nga makamata ang mga tupad sa pagkatulog sa biktima.

“Tag-as daw kaayog koko ang suspetsado, hait daw walay hinguko maong nakamata. Niping-it sa kasakit ang biktima,” dugang ni Antopina.

Ang suspek ilang pasakaan og kasong pagpanglugos ug kalapasan sa Republic Act 7610 kun child abuse. Apan ang bata gipahiling pa sa Pink Room sa Vicente Sotto Memorial Medical Center (VSMMC). Ang resulta niini ilang gipaabot alang sa pagpasakag kaso karong lunes. /