Mandaue nagtukod motorcycle reaction unit

Aduna na unya mogukod sa mga riding-in-tandem nga mga kriminal sa dakbayan sa Mandaue sugod ugmang adlawa.

Kini human pormal na nga ilusad sa Mandaue City Police Office (MCPO) ang Tactical Motorcycle Reaction Unit (TMRU).

Ang maong lakang gihimo tungod sa sunodsunod nga mga krimen nga nahitabo nga naglambigit sa suspek nga nagmotor sama sa nahitabo ni PO1 Mae Sasing ug laing insidente sa pagpamusil sa dakbayan sayo ning semanaha. Matod ni PCI Joven Larga,

acting PIO sa MCPO, nga sa maong programa, duha ka mga pulis nga sakay sa matag motorsiklo, ang mag- roving sa nagkadaiyang lugar sa dakbayan ilabi na sa crimeprone areas. Tuyo sa maong lakang nga mas mapadali ang pagresponde

sa kapulisan batok sa mga riding-in-tandem nga mga kriminal.

“Next week i-launch natin ang Mandaue Tactical Motorcycle Reaction Unit, mga personnel natin ang i-tap, gagamitin ang motorcycle para mabilis makapag-react and maka-pagrespond ang pulis natin sa pang-counter sa mga riding in tandem,” matod ni Larga sa mga tigbalita. Apan kini niangkon nga sa

kasamtangan, kuwang ang motorsiklo nga gamiton sa kapulisan sa maong programa maong nangayo kini'g tabang sa kagamhanan sa dakbayan.

“We really support the programs of MCPO kay di rana para ilaha, para na nato tanang Mandauehanons,” ni Mayor Luigi Quisumbing.

Tungod niini, ang MCPO mogamit sa na- impound nga mga motor sa kagamhanan. Apan ang kapulisan inubanan

sa City Legal Office nagpaabot una sa guidelines ug clearance gikan sa Commission on Audit sa pag- dispose sa mga motor kon way mga interesado niini.

“If nobody are interested, the units are for auction, but seems no one is interested, we will turn-over it to TEAM and MCPO, after we get the COA clearance,” dugang sa mayor. Padayag ni Quisumbing nga kapin na sa 30 ang impounded nga mga motor.