NAGPAUSAB SA DAGWAY GITANGGONG
Gipugngan nga makabiyahe sa airport sa South Korea ang tulo ka Chinese
nationals nga mga babaye human sila nipaubos sa plastic surgery.
Ang mga babaye gitanggong sa awtoridad gumikan kay nausab na ang ilang panagway kon itandi sa mga hulagway nga makita sa ilang mga passport.
Ang ilang mga hulagway nikatap sa social media sa China.
Usa ka Chinese TV anchor, Jian Huahua, ang nipaambit sa hulagway sa mga babaye sa iyang Weibo account nga nagpakita nila nga naglingkod sa airport nga naggunit sa mga passport samtang giputos og bandages ang ilang mga nawong nga nanghubag pa.
Ang ubang Chinese nga mga babaye mobiyahe sa South Korea aron magpa- plastic
surgery sa ilang mga nawong gamit ang ilang medical tourists visas. Sa taho sa Tomo News, na- sayran nga dul-an sa 100,000 ka Chinese nga mga babaye ang nibisita sa South Korea niadtong 2016. /