Kinahanglan ba ang reserba sa relasyon?

Sa usa ka relasyon kinahanglan bang may reserba? Sa paghigugma unya ma-heartbroken dapat ba nga naa kay ikapuli dayon?

Mao ni ang gitawag nga “fallback” nga usa na ka pelikula karon nga bituonan nilang Rhian Ramos, Zanjoe Marudo ug Daniel Matsunaga kauban silang Mario Mortel ug Tetchie Agbayani.

Dugay nang naghandom ang Kapuso star Rhian Ramos nga makagama og balik og romantic comedy movie, gani sa pagbasa pa lang niya sa script gidawat dayon kini sa aktres ug excited nga mi-post sa iyang instagram nga kauban ang duha niya ka leadingman.

Malipayon ang aktress kay human sa sagonson nga drama makarelax kini pinaagi aning bag-o niyang pelikula.

Ang “Fallback” usa ka indie film nga e-distribute sa Star Cinema, istorya kini sa usa ka babaye nga sa kadaghang heartbreak nga iyang naagi-an nangita kini og usa ka fallback lover para dili na siya masakitan og maayo hangtud nga nabalik siya sa iyang ex-boyfriend.

Miss na miss ni Rhian ang ingon ani nga klase sa pelikula nga medyo light lang ug dili heavy drama. Unang higayon nga makapartner niya si Zanjoe Marudo ug Daniel Matsunaga nga pulos Kapamilya stars.

Ang “Fallback” showing na karong semanaha sa inyong mga paboritong sinehan sa direksyon ni Jason Paul Laxamana, ay’g saba!

Kondili pa sa pelikulang “Ghost Bride” ni Direk Chito Rońo, dili nako masayran nga may bag-ong kabarkada na diay ang bida dinhi nga si Kim Chiu.

Mag-upat ka buwan ang ilang paghinigalaay: ang grupong “angbeki” as in Angelica Panganiban, Bela Padilla ug Kim Chiu.

Kon si Kim pa ang pasultion alegre ug makalingaw ilang grupo kay kon may pa words of wisdom ug lawom ang gigikanan ni Angelica, makata ug hopeles romantic si Bela. Si Kim usab ang kenkoy ug tigkatawa sa grupo. ay’g saba!