KINATAWO NALUKOT
60 ANYOS MILUGOS SA 21-ANYOS
Usa ka 60-anyos nga lalake gitumbok sa 21-anyos nga dalaga nga dunay deperensiya sa pangisip nga niligos kaniya sa Barangay Manlagtang, lungsod sa Tabogon niadtong Sabado, pasado alas 7:30 sa buntag.
Nabutyag ang krimen dihang niuli ang dalaga nga nagping-it sa kasakit sa iyang bilahan ug gipangutana kini sa iyang inahan. Human nasayod sa hitabo, nisumbong dayon kini sa kapulisan. Nasikop sa follow-up operation ang lolo nga si Felizardo Sanoria, 60, minyo mag-uuma ug molupyo sa samang dapit.
Ang biktima niasoy sa awtoridad nga wala mobarog ang kinatawo ug nalukot hinungdan nga gitilapan lang ang iyang kinatawo ug gigamitan og tudlo.
Si PO2 Althea Hortelano sa Womens and Children Protection Desk (WCPD) sa Tabogon Police Station nga nahinabi sa Superbalita Cebu, nagkanayon nga ang biktima sayo sa buntag gisugo sa iyang igsuong lalake nga kuhaon ang yawe sa ilang simbahan nga gihuptan sa suspek.
Manglimpiyo unta sila sa ilang simbahan apan wala ang suspek sa ilang panimalay kay tua kini sa umahan hinungdan nga giapas sa biktima.
Sa pag-abot sa biktima, nakita niya ang suspek ug gisultihan niini nga kuhaon ang yawe sa simbahan.
Apan, matod ni PO2 Hortelano, ang biktima nisulti sa suspek nga sakit ang iyang ngipon ug gusto kining magpahilot.
Ang biktima diha sa kasagbutan sa umahan hilota ug samtang naghilot, ang lolo, nitangtang sa lock sa iyang bra ug dayon gikumotkumot ang iyang dughan, gihuboan sa short pants ug panty.
Ang walay buot nga biktima giingong gimandoan ni Sanoria nga mohigda ug dayong patong sa lolo.
Dugang asoy sa biktima ngadto sa awtoridad, ang kinatawo sa lolo wala mobarog ug giingong nalukot kini.
Matod ni P02 Hortelano, human sa pagpahimulos, gisultihan sa suspek ang biktima mobalik ugma ug namasin nga mobarog na ang iyang kinatawo.
Ang biktima ilang gipahiling sa Pink Room sa Vicente Sotto Memorial Medical Center (VSMMC), dakbayan sa Sugbo ug ila pang gipaabot ang resulta niini atol ning pagsuwat.
Samtang, walay giluwatang pamahayag ang lolo ngadto sa kapulisan.
Si PO2 Hortellano niingon nga kasong pagpanglugos ang ilang giandam nga ipasaka batok sa suspek karong adlawa nga natanggong sa police station. /