Dali ra ma-secure ang Sinulog parties kon sa SRP ipahigayon

Mas dali na nga maseguro ang seguridad sa partygoers kon ang parties atol sa Sinulog 2018, anha himuon sa South Road Properties (SRP).

Matod sa hepe sa City Intelligence Branch (CIB) sa Cebu City Police Office (CCPO) Cristopher Navida, nga mas sayon kini kay anaa ra sa usa ka dapit ang mga tawo.

“If the celebration of the Sinulog festival will be concentrated in one or two places, mas madali nang i-secure,” nagkanayon si Navida. Dugang niini nga niadtong nakalabay nga buwan dihang gisugdan na ang coordination

meeting tali sa kapulisan, organizers, local government unit (LGU) ug uban pang ahensiya isip pagpangandam sa labing dako nga festival sa nasod.

Matod ni Navida nga napahimutang na ang preparasyon alang sa seguridad sa Sinulog 2018.

Niadtong nakalabay nga tuig gawas sa kapulisan, nipakatap usab ang CCPO og force

multipliers isip dugang seguridad alang sa kalihokan.

Si Cebu City Mayor Tomas Osmeña nimando nga way

party ug inom sa 300 metros sud sa Sinulog Parade route ug sa Procession route.

Mamahimo kining buhaton sa mga mopasiugda og

party sa SRP tungod kay di kini makadisturbo og kabalayan.