ILEGAL NGA PANAGAT GIHIGPITAN
Ilegal nga panagat higpit nga gibantayan human gikatahong misiaw karon.
Ang Bureau of Fisheries and Aquatic Resources (BFAR-7), kapulisan sa Central Visayas ug mga non-government organization (NGOs) nga naghatag og proteksyon sa kadagatan naghiusa aron mapalig-on pa ang ilang pagbantay sa mga lihitimong mananagat.
Apan sa maong tigom nasuta nga dunay mga tag-as nga opisyal sa gobiyerno ug sakop sa Philippine National Police (PNP) organization ang apil sa naghimo og illegal fishing.
Atol sa tigom sa Coastal Law Enforcement Alliance in Region 7 kun Clear nga gipangulohan sa BFAR-7, ilang usa sa nahatagan og pagtagad ang mga problema nga ilang nasugatan sa paghatag sa proteksyon sa kadagatan.
Sa nanglabay nga mga buwan, daghan na sila og mga nangadakpan nga mga dagkong panagatan nga naghimo og illegal nga panagat sa Tañon Strait diin moabot na sa 59 ka mga dagkong panagatan gikan sa Enero hangtod sa Oktubre 31 ning tuiga.
Hinuon, minos kini kon itandi sa susamang panahon sa miaging tuig nga niabot og 88 ka mga panagatan ang ilang nasikop ug napasakaan og kaso ngadto sa korte.
Apan usa sa ilang gipasupot nga problema nga dunay mga opisyal sa gobiyerno nga nalambigit niining matang sa illegal nga panagat. Gani, usa kanila sakop sa kapulisan ug uban kanila dunay koneksyon sa korte nga maoy hinungdan nga ma- dismiss ra usab ang ilang kaso. Human mahibawo niini si Chief Supt. Jose Mario Espino, direktor sa Police Regional Office (PRO) 7, nga dunay iyang sakop nga nalambigit sa illegal nga panagat, misaad kini nga iyang ipaubos sa imbestigasyon ang maong pulis sa labing dali nga panahon.
Aron mapalig-on pa ug magmalampuson ang mga ahensya sa gobierno nga maoy nagbantay sa kadagatan, gipasalig ni General Espino nga ang iyang mga sakop motutok na sa problema sa illegal nga panagat. Bisan pa og duna siyay mga sakop nga na- harass sa mga mananagat nga naghimo og illegal, diin sila na hinuon ang napasakaan og kaso.
Rest assured that we will look into that matter and we will deal with it accordingly to our rules. And we will not allow our personnel to be engaged in this illegal fishing. I was already given the name, so we will conduct the appropriate investigation,” Chief Supt. Jose Mario Espino