Brgy. kapitan, sakop gipamusil

4VILLABA LEYTE - Kapitan sa barangay ug iyang sakop ang gipamusil sa riding in tandem atubangan sa tindahan niini sa Poblacion Del Sur ning lungsod, pasado alas 2 sa hapon. Dead on the spot si Barangay Cabungahan chairman Edwin Mulle ug iyang sakop nga si Jesselito Pag-ong, 18, taga Leyte, Leyte. Ang duha ka biktima diha sa atubangan sa tindahan dihang kalit miabot ang duha ka tawo. Matod ni SPO4 Naicito Macasusi, imbestigador, duna silay pipila ka angulo karon nga gitutokan lakip na ang pagkalambigit sa kapitan sa illegal gambling ug ingon man sa pulitika. “Ang angulo namo posible sa gambling pero niundang naman ni siya unya ginagmay ra man sab to pero sa pulitika, naa gyod sa 50 porsiyento,” matod ni Macasusi.

/ WHELSON NGOHO CUBIAN ARNOCO ■ GIPAMUSIL: Nangaligdas ang lawas nilang Barangay Cabungahan Kapitan Edwin Mulle ug sa iyang sakop nga si Jesselito Pag-ong dihang gipamusil sila atubangan sa tindahan sa kapitan sa wa pa mailhin nga mga mamumuno.