2017 CHILDREN’S MONTH GISAULOG
Ang Department of Social Welfare and Development (DSWD) 7, pinaagi sa Regional Council for the Welfare of Children (RCWC), nihimo og kick-off activity sa pagsaulog sa 25th National Children’s Month (NCM) ubos sa tema: “Bata: Iligtas sa Droga!”
Kapin sa 300 ka indibiduwal gikan sa RCWC member-agencies, government high schools,
youth organizations ug Day Care Workers sa Cebu City, Mandaue City, Lapu-lapu City ug Talisay City ning-apil sa pasiunang kalihokan.
Kini naglakip sa motorkada sa sayong sa buntag gikan sa Plaza Independencia padulong sa Capitol Grounds ug nisunod ang opening program sa Capitol Social Hall niadtong Nobiyembre 4, 2017.
Atol sa programa, si DSWD 7 Social Welfare Officer IV Grace Yana nipasabot sa kaimportante sa papel sa sosyodad sa paghatag og lig-ong pundasyon sa pagtudlo sa maayong mithi ug pagpanalipod sa katungod sa mga bata.
Si Yana nibutyag nga atol sa Support Group sessions uban sa nagpahiuli sa ilang pagka
drug dependents, nasuta nga komon nga rason nga ang mga bata nga nalambigit sa salaud mao kadtong walay balor nga naggiya nga pamilya o bisan kabanay.
“Mao na nga ato gyu’ng gi- advocate nga ma- strengthen angfamily values ug nag-awhag pud ta sa mga ginikanan nga dapat dili lang sila mag- profess ( good values) kon dili mag
possess pud, meaning ang mga ginikanan mahimo silang role
models ngadto sa ilang mga anak,” matod ni Yana.
Si Philippine Drug Enforcement Agency (PDEA-7) Regional Director Emerson S. Margate nalipay nga nagtan-aw sa aktibong kalihokan nga gitumong sa pag-iway sa mga bata sa mga makadautnga gidiling drugas.
“Our children, you are our valuable assets. You are the trailblazers to our future. You are the heirs of the unique history. There is no job as important and as noble as protecting
a child” padayag ni Director Margate atol sa iyang pakigpulong sa programa.
Sa pagtuman sa kampanya sa administrasyon batok sa ilegal nga drugas, ang Council for the Welfare of Children nakahunahuna sa pagumol sa tema: "Bata: Iligtas sa Droga!” ning tuiga sa pagsaulog sa NCM.
Ang National Children’s Month (NMC) saulogon sa tibuok buwan sa Nobiyembre aron pagpakaylap sa edukasyon sa katungod sa mga bata ug kasayoran sa tanan o publiko sa protection and violence against children ug epekto niini.