TIPS ARON MA-ENJOY ANG HOLIDAYS
Karon nga - ber months na, daghan ang nagpaabot sa holidays, tungod kay gawas sa bonus, mas mahatagan ka og oras nga makabasyon.
Nahuman na tuod ang
semestral break apan giatangan na usab sa mga tinun-an ang Christmas break ug ang nagkadaiyang holidays alang sa mga trabahante.
Ania’y tips nga magamit nimo alang sa imong nahabilin nga libreng adlaw ug sa umaabot pa nga holidays.
1. Paggahin og oras sa imong kaugalingon
Sul-oba imong labing komportable nga sinina, pangita og ganahan nimo nga salida o buhata imong ganahan buhaton.
Usahay kining mopalayo usa ta sa kadaghan, makatabang ni nga maka- relax ta.
2. Gawas sa inyong panimalay
Dugang sa paghatag og oras sa imong kaugalingon, mas maayo usab nga mogawas ka sa inyo.
Tan-aw og salida sa sinehan, molakaw ba ka o magjogging, o mag- joyride, o kaha magbasa sa imong paborito nga libro sa coffee shop.
3. Pagplano daan
Sutaa ang mga adlaw nga wala na ka’y trabaho o klase.
Pagplano dayon kon unsa imong buhaton.
Mas maayo nga nakaplano imong mga laag aron makapangandam usab ka hilabi na sa aspeto sa pinansiyal.
4. Pagpasensiya sa imong kaugalingon
Sa kadaghang nagdahom ug ikaw usab daghang gihuna-huna.
Ayaw palabi sa imong kaugalingon susama nianang ma- pressure gyud og out-oftown travel or uban pa. Igoa lang ang makaya nimong buhaton, pangayo og tabang kon mahimo.
5. Himoa imong kaugalingon nga priority
Wala’y angay ikauwaw sa pagtan-aw sa imong kaugalingon nga #1.
Kon naanad ka nga naay buhaton sa matag adlaw, himoa gihapon kini.
Tulog, kaon, exercise, pakighalubilo ug relax kon mamahimo, ayaw kahadlok ug pahibaw-a imong pamilya nga mao ni imong gikinahanglan.
6. Keep in touch sa imong higala
Anaa ang social networking sites, halos siguro tanan naa’y Facebook. Maayo ni nga pamaagi aron connected gihapon ka sa imong school mates o kaha sa imong mga katrabaho. /