SIXERS GIKASTIGO SA WARRIORS

Nipupo og 29 puntos si Kevin Durant sa iyang pagbalik gikan sa usa ka duwa nga nakapalta siya aron agakon ang host Golden State Warriors sa dakong kadaugan batok sa Philadelphia 76ers, 135-114, kagahapon sa National Basketball Association (NBA).

Ning kombatiha, gipakita sa Warriors kon nganong sila ang defending champions ug andam na sab silang mohakot og sunodsunod nga kadaugan nga mao ang naandan nilang gimbuhaton sa nanglabay’ng katuigan.

Ang Warriors dili maayong nakasugod sa 2017-18 season apan hinayhinay kining ningbawi ug ningsaka sa 10-3 ang ilang rekord pinaagi sa unom ka sunodsunod nilang kadaugan.

“We know what we’re capable of,” matod ni Warriors forward Dryamond Green. “We just needed to lock in and focus.”

Sa matag duwa, nagkakuyaw ang gipakita sa Warriors sa opensa ug depensa diin ang matag usa sa ilang mga magduduwa nakasunod sa ilang

obligasyon sulod sa korte.

“It’s been great to have so many guys contribute so many guys contribute in different ways,” dugang ni Green. “That’s what we’ve talked about early on was our depth and guys have stepped up.”

Si Durant, kinsa wala nakapakita og aksyon sa miaging duwa sa Warriors gumikan sa angol sa iyang tiil, nakadawat og daghang suporta sa bisan asa nga departamento.

Nitampo og 23 puntos si Klay Thomspon alang sa Warriors samtang nidugang 22 puntos ug siya ka assists si Stephen Curry, kinsa nakalapas sa 4,000- mark assists.

Tanang mga magduduwa sa Warriors adunay tampo sa opensa hinungdan nga yano nilang naangkon ang 21 puntos nga kadaugan.

Si Green nidugang og 10 ka puntos, 10 ka rebounds, pito ka assists ug lima ka block

shots aron ipakita nga aduna siya’y ikabuga sa opensa man o depensa.

Balanse sab ang kontribyusyon sa mga sakop sa Sixers apan wala sila’y ikabuga sa nagbangis nga Warriors.

Ang Sixers gipangulohan ni JJ Redick scored 17 points pinaagi sa iyang 17 puntos samtang unom sa iyang mga kauban ang nakaamot sab og dobleng numero nga puntos. “You realize that there is zero margin of error,” matod ni Sixers

coach Brett Brown. “There is so much firepower on that team.”

Sa unom ka sunodsunod nga kadaugan sa Warriors, 17 puntos ang labing gamay nga biya samtang 122.8 puntos ang average nga ilang namugna.

/ AP ■ ASA KA? Way nahimo si T.J. McConnell (no.12) sa Philadelphia Sixers sa dihang kalit kining giitsahan sa atubangan ni Stephen Curry sa Golden State Warriors niining aktoha atol sa ilang duwa kagahapon.