3 GI-AMBUSH; 1 TIPI, 2 ANGOL
ILLEGAL DRUGS GITAN-AW SA TALISAY POLICE
Gimandoan ni Gobernador Hilario Davide III si Cebu Provincial Detention and Rehabilitation Center (CPDRC) acting warden Audesti Miguel nga motuman kon unsay nalatid sa balaod.
Kini human sa kamandoan sa acting warden sa CPDRC nga ipapusil sa nagbantay nga mga gwardya ang molapas o mosud sa restricted nga dapit sa pacilidad kon magmagahi ug way security clearance gikan niini.
Ang gobernador nimando ni Miguel nga padayon nga hingusgan ang kampanya batok sa pagpalusot og gidili nga drugas sud sa prisohan apan kinahanglan nga pinasukremin bay kini sa balaod. Si Davide nagtuo nga ang kamandoan sa acting warden mao lang ang paghadlok ug pagdisiplina sa badlungon nga mga gwardya.
“Ako I figure, ang reason para lang gyud to instill discipline sa mga guards diha nga mga gahi’g ulo ba,to warn them sternly,” dugang sa gobernador.
Sa memorandum, si Miguel nimando sa mga gwardya nga kon dunay molapas sa restricted area dapit sa kusina sa prisohan nga way security clearance ug magmagahi ug dili mopatuo kon badlungon, iya kini nga ipapusil.
Si Miguel nibutyag sa mga tigbalita nga duna nay nakabutang nga pahibalo sa maong dapit kalabot niini.
Ang lugar dapit sa kusina gituohang diha ipalusot ang kontrabando nga gikan sa gawas.