Lapu manira og mga dan samtang pista sa Birhen sa Regla nag-angat; magpataka og park i-tow

SuperBalita Cebu - - BALITA -

Mga motorista gipahimangnoan sa pagsira ug pagpasa trapiko sa pipila ka mga kalsada sa dakbayan sa Lapu-Lapu ilabi na nga nagsingabot ang kapistahan sa dakbayan.

Nipasidaan si Mario Napule,officer-in-charge (OIC) sa City Traffic Management and Services (CTMS) ngadto sa mga motorista nga magmatngon sa mga traffic signs nga ilang ipamutang ug di magpataka sa pag-park aron di maguyod ang ilang sakyanan.

Kadtong mga sakyanan nga maabtan nga gi-park sa gidili nga dapit, seguradong maguroy, dugang ni Napule.

Gisanglitanan ni Napule niadtong Domingo nga atol sa fluvial procession ug mao usab ang unang adlaw sa novena pahinungod sa patron nga Virgen de Regla mihugpa ang bagang duot sa katawhan ilabi na sa church area.

“Ni-build up gyud (vehicle ug human traffic) pero inig human sa misa, molu-ag lu-ag,” matod ni Napule sa dihang nahinabi sa Superbalita Cebu.

Nipahibawo ang opisyal nga ang mga kalsada sa Lopez Jaena kasamtangan nga gisirhan ug di makalahos ang mga PUJ gawas niadtong private vehicles kansang tag-iya mosimba apan gikinahanglan nga mopark ngadto sa designated parking area.

Sa kadtong PUJ nga adunay rota nga Cordova – simbahan vice versa, gipa-divert sa ilang naandan nga biyahe ug mosubay na sa Hoopsdome lahos sa S. Osmeña ngadto na sa A. Tumulak vice versa inay ang molagbas sa barangay Poblacion.

Parking sa mga private vehicles nga libre nahimutang sa eskena sa P. Rodriguez Street ug bahin sa B.M. Dimataga.

Giklaro ni Napule nga gikanahanglan nga way mga sakyanan nga moparada sa mga dalan sa B.M. Dimataga, Lopez Jaena, G.Y. dela Serna nga pulos nahimutang sa barangay Poblacion.

Ang kadtong makalapas hayan magpangita sa ilang sakyanan kay ila kining ipa-towing.

Sa Nobiyembre 18 / 12:00 udto ipahigayon ang Civic Military Parade nga manukad sa City Central School subay sa G.Y. dela Serna – S. Osmeña paingon na sa Hoopsdome.

Ang maong kalsada sirhan gikan sa alas 10:00 sa buntag sa mao nga adlaw.

Samtang sa Nobiyembre 20, grand procession kun tapos sa nine day novena, ang mga kalsada sa barangay Poblacion sirhan alang sa maong kalihokan nga sugdan sa 4:00 sa hapon.

Dugang pa Napule nga pabilin nilang bantayan ang bul-og sa mga sakyanan nga maggikan ug paingon sa duha ka mga tulay nga nagsumpay sa mainland Cebu atol sa maong mga kalihokan.

Newspapers in Tagalog

Newspapers from Philippines

© PressReader. All rights reserved.