PWD office giduso

Pagtukod og Persons with Disability Affairs Office (PDAO) sa dakbayan sa Mandaue giuyonan sa komitiba sa Laws and Ordinances sa konseho.

Matod ni Konsehal Nilo Seno, chairman sa komitiba, nga ang maong tahas gimandato sa balaod maong angayan lang tugutan ang pagtukod

niini. “The passing of the said draft ordinance is a requirement and mandated under law, such that there is necessity for its enactment,” sumala ni Seno sa iyang committee report number 217-2017. Dugang niya sa ilang pakisusi sa probisyon sa draft ordinance, kini nalinya sa kasamtangang balaod.