Nangidnap nga naghubo, gisikop sa kapulisan

Gidakop sa kapulisan ang lima ka mga naghubo nga giakusahan nga nanagit og pamilya nunot sa aksidente sa sakyanan.

Makita sa hulagway ang kapulisan nga ilang gidala ang grupo nga way mga senina aron mapalayo sa esena.

Ang lima gipasanginlang midagit sa usa ka inahan, iyang amahan ug bag-ong natawo nga bata.

May nakuha nga hulagway ang usa ka testigo nga nagpakita sa naghubo nga babaye nga gikuha sa pulis bisan pwerteng tugnawa sa panahon.

Si Royal Canadian Mounted Police Cpl Laurel Scott namahayag nga ang inahan, unom ka semana nga bata ug ang amahan sa babaye gi-kidnap gikan sa ilang balay sa Laduc County ug gipugos sila sa pagpasakay sa BMW diin supak kini sa ilang katungod.

Adunay lalake nga nakaeskapo gikan sa nagdagan nga sakyanan ug ang inahan nakaeskapo kuyog sa bata.

Gikataho sa metro.co.uk nga ang mga awtoridad nga may niagi nga tawo ang nitabang sa pamilya diin gibutang sila sa trak una ang BMW sa mga suspek nabangga ngadto sa laing trak.

Ang kapulisan midakop sa lalake, duha ka babaye ug duha ka menor de edad nga babaye nga silang tanan way mga senina dihang gidakop.

Upat sa lima ka mga naghubo gidala sila sa hospital. Ang tulo ka mga hamtong may kaso nang kidnapping. /