Pogoy gipasidunggan sa konseho sa Talisay
Ang konseho sa dakbayan sa Talisay hiniusang miitsa sa ilang pasidungog sa usa ka Talisaynon nga nakahatag og igong garbo sa siyudad sa natad sa paugnat sa kusog.
Pinaagi sa resolusyon nga gipalabang ni konsehal Rody Cabigas, chairman sa committee on sports, ang Talisay mapasigarbuhon sa pagkahimong Rookie of the Year awardee sa Philippine Basketball Associaiton (PBA) ni Roger Ray “RR” Pogoy, lumad nga Cansojong, Talisay City.
Si Pogoy, forward sa TNT KaTropa, niadtong Oktubre 20, 2017, maoy nahimong ROY awardee atol sa tinuig nga PBA Leo Awards.
Iyang gilupig sila si Matthew Wright sa Phoenix Fuel Masters ug Jio Jalalon sa Star Hotshots nga pulos usab kauban niya sa Gilas Pilipinas.
Siya nag-average og 13.4 points ug tulo ka rebounds sa iyang unang season sa PBA.
Si Pogoy, dugang sa res- olusyon, nakahatag og inspirasyon sa batan-on sa Talisay tungod sa iyang gipakita nga kapamahiubsanon ug manggihatagon bisan pa man sa iyang nakab-ot karon.
Ang 24-anyos nga basketbolista, kanhi magduduwa sa University of Cebu sa wala pa kini mobalhin sa Far Eastern University (FEU) sa Kaulohan, nagsugod sa iyang basketball
career sa Talisay pinaagi sa pagsalmot og sunodsunod nga local tournament ilabi na sa tinuig nga Mayor’s Cup diin ang barangay Cansojong maoy kampiyon karong tuiga.