Cebu City tracksters milabnig 6 golds

Gilabwan sa track and field team ang gilauman gikan kanila aron agakon ang Cebu City sa medal tally sa ikatulong adlaw sa 2017 Batang Pinoy Visayas kagahapon sa Dumaguete City.

Sa milabayng tulo ka mga adlaw, ang Cebu City trackters ninglangkat og 6 ka gold medals aron tabangan ang Ninos nga makapatong sa ikaupat nga luna sa medal tally.

Ang Ninos naghupot na karon og 10 ka gold medals, 19 ka silver medals ug 21 ka bronze medals. Ang Cebu Province pabilling nag-una nga adunay 14 ka gold medals, 15 ka mga silver ug 20 ka mga bronze.

Nagsunod ang host Dumaguete City nga adunay 12-8-7 gold-silver-bronze medal tally.

Naa sa ikatulo ang Aklan nga nakatigom og 12-7-5 tally. Si Rick Angelo Sotto sa Sacred Heart School-Ateneo de Cebu mao ang mibida sa Cebu City trackters.