TOMAS WAY INTERES MOPADAKOP SA ANGKAS

SuperBalita Cebu - - MINUGBO -

Kapin sa 2,000 ka mga Angkas driver sa dakbayan sa Sugbo ang maapektohan kon hingpit na nga ipatuman sa Land Transportation Franchising and Regulatory Board (LTFRB) 7 ang pagpanakop sa giisip nga kolurom nga matang sa transportasyon.

Subay niini nabalaka na usab ang mga miyembro sa Two-wheeled Motorized Vehicle Monitoring Coordination and Assistance Unit (TWVMCAU), usa ka grupo sa mga habal-habal sa Sugbo nga ubos sa buhatan ni Cebu City Mayor Tomas Osmeña.

Matod sa OIC Chief sa TWVMCAU nga si Delfin Adolfo nga naproblema gyud sila tungod kay kon pananglitan nga ipahunong sa LTFRB ang operasyon sa Angkas, dako kini og epekto sa ilang miyembro.

Moabot sa 10,000 ka mga habal-habal driver sa Cebu City ang sakop sa maong grupo diin kapin sa 2,000 niini ang miyembro sa Angkas.

Dugang ni Adolfo nga sukad nga nasakop sa Angkas ang pipila ka miyembro nila nahimo kining mas disiplinado ug limpyo tan-awon ug labaw sa tanan mas nisaka usab ilang pangita o income.

Gihimug-atan usab niini nga angayan lang nga mahatagan og kasulbaran ang maong problema kay luoy ang ilang mga miyembro gani daghan naman ang midangop sa ilaha ug mipadayag sa ilang kabalaka human migawas ang maong balita.

Subay niini, si Cebu City Mayor Tomas Osmeña subling miingon nga dili niya supakon ang balaod sa LTFRB apan gitataw niini nga dili niya prayoridad ang pagdakop niining Angkas.

Dugang ni Osmeña nga adunay natabang ang Angkas sa siyudad ug angayan matod pa dawaton ang kamatuoran nga habal-habal usa ka “necessary public service.”

AMPER CAMPANA

■ ANGKAS. Makita sa hulagway nga komportabli ang pasaherong babaye nga nagsakay sa Angkas nga motorsiklo, apan sa niaging adlaw wala na kini tugoti sa LTFRB nga maka-operate pa. /

Newspapers in Tagalog

Newspapers from Philippines

© PressReader. All rights reserved.