UTOT ANG TUBAG SA PAGKWESTYON

SuperBalita Cebu - - KURAT -

Napugos ang kapulisan sa Estados Unidos sa pag-undang og sayo sa ilang pagpangutana sa usa ka suspek nga nakuhaan og drugas ug armas dihang sa matag pangutana niini ang utot maoy iyang tubag.

Si Sean Sykes Jnr gikwestyon nunot sa tinguha nga mibaligyag og cocaine ug aduna siyay armas didto sa Kansas City, Missouri, dihang ang insidente nahitabo.

Ang detective nga maoy nipahigayon sa pag- interview sa 24 anyos nga si Sykes nagkanayon nga gasige lang kini og pangutot.

“Mr. Sykes leaned to one side of his chair and released a loud fart before answering with the address. Mr. Sykes continued to be flatulent and I ended the interview,” matod sa detective nga gikutlo sa Mirror News.

Gihimakak ni Sykes ang akusasyon ug way mga kaso nga gisang-at human sa pagkwestyon kaniya niadtong Septiyembre.

Apan, nahibalik siya sa kustodiya sa kapulisan karong buwana human nakuhaan siya og armas nga iyang kinawat.

Gisusi sa kapulisan ang sakyanan nga anaa si Sykes unya ilang nakit-an ang .357 magnum nga armas nga gikataho nga nawala pipila ka adlaw ang nakalabay.

Nagkanayon ang dokumento sa korte nga ilang nakit-an usab ang marijuana ug cocane nga diha sud sa sakyanan.

Kasamtangang gitanggong karon si Sykes sa prisohan ug gikatakda nga makapiyansa siya ning iyang giatubang nga kaso. /

/ Mirror News

■ UTOT: Si Sean Sykes Jnr gikwestyon sa kapulisan nunot sa iyang pagbaligyag drugas apan sa matag kwestyon kaniya ang iyang utot maoy itubag.

Newspapers in Tagalog

Newspapers from Philippines

© PressReader. All rights reserved.