AGOT, OGIE, ETHEL MI-REACT SAPRO-DUTERTE BLOGGER

Sumsoman sa social media ang pagkumpronta sa pro-Duterte

blogger nga si Sass Sasot ngadto sa BBC Southeast Asian

correspondent nga si Jonathan Head niadtong Lunes sa hapon, Nov. 13 sa International

Media Center sa Pasay City atol sa ASEAN Summit.

Samtang nahitabo ang kumprontasyon, tupad ni Sasot si Presidential Communications Operations Office assistant secretary Mocha Uson, nga hilum nga namati ug nitunol pa og tissue kang Sasot.

Gikuwestiyon ni Sasot ang gihatag nga atensyon sa international media outfit sa matod niya “minor blogger” nga si Jover Laurio, kinsa maoy nagduma sa Pinoy Ako Blog‚ nga nailang kritiko sa administrasyon ni Presidente Rodrigo Duterte.

Apan pasabot ni Head nga usa lang ka simpleng private message ang nahitabong komunikasyon nila.

Usa sa mga ni- react sa gihimong kumprontasyon ni Sasot mao ang actress-singer nga si Agot Isidro.

Mensahe ni Agot, “Sweetie, last year BBC tried to get in touch with me for an interview, too. If they want to talk to you, they will find

you. Do the math.”

Samtang, gipaagi sa komedya ni Ethel Booba ang iyang reaksiyon.

“Go Fund Me para mainterview ng BBC. Charot!” Ang Go Fund Me usa ka crowdfunding website.

Gikomentaryohan usab sa komedyante ug talent manager nga si Ogie Diaz ang gipakitang taras sa pro-Duterte blogger.

“Di alam ni Sassot, di nila natutulungan ang Pangulo sa maling paraan nila ng pagtatanggol kay PRD. #WagKangSiga.” / Pep.ph