MTRU gilusad sa MCPO
Hingpit nang gilusad sa Mandaue City Police Office (MCPO) ang ilang Mandaue Tactical Response Unit (MTRU) diin tuyo niini mao ang pagsugpo ug pagpakgang sa mga kriminal nga riding-in-tandem.
Sa ilang paglusad kagahapon sa buntag, mokabat ngadto sa 11 ka mga motor ug 16 ka pulis ang gitahasan nga mopatuman sa tahas.
Ang mga pulis mag-roving unya matag karon ug unya sa kadalanan sa dakbayan.
Base sa record sa MCPO, nigara ang mga kaso sa pagpatay, robbery, theft ug rape nga nakahasol sa mga imbestigador sanglit lisod ang pagtino sa mga riding-in-tandem nga mga suspek nga kanunayng magtabon sa ilang dagway.
Sa talaan sa MCPO nga sukad Hulyo 2016, adunay 64 ka mga krimen: 16 ka murder, 16 ka theft , 22 ka roberry, 6 kaphysical injuries ug upat ka rape nga kaso sa dakbayan diin ang mga suspek riding-in-tandem.
Sa 64 ka kaso, 12 lang niini ang napasaka sa korte samtang padayon ang imbestigasyon sa 41 niini.
Matod ni P/SSUpt Roberto Alanas, hepe sa MCPO, nga nakadugay sa pagsulbad sa mga kaso mao nga dali makaipsot ang mga kriminal sanglit maglisod man ang kapulisan sa pag-ila kanila.
“This is also our way to response immediately in the crime scene and serve as First Responders in order to save life, to deter crime, assist flow of traffic and increase police presence in Mandaue City,” ni Alanas sa mga tigbalita.
Dugang niya nga ang pag- kamatay ni PO1 Mae Sasing kinsa gipusil-patay samtang padung kini pauli niadtong Oktubre 31 uban sa laing krimen maoy nakapaaghat sa MCPO nga tukuron ang MTRU.
Paambit ni Alanas nga ang mga pulis sa MTRU nga gitahasan nga mo- counter sa mga insidente nga gihimo sa mga ridingingibansay sa ilang bag-ong responsibilidad.