Unhappy marriage
Dunay ginaingon nga kadtong gihiusa sa Diyos di mahimong buwagon sa tawo. Apan duna say nag-ingon nga kadtong gibuwag sa Diyos di mahimong hiusahon sa tawo.
Ang kamatuoran mao nga daghang mga kaminyuon nga way kalipay ang managtiayon. Lakip na niini kadtong mga kasal nga tinuyo o tinupo sa mga ginikanan ug kadtong di gyud magkasinabot tungod sa gitawag nga irreconcilable differences.
Mahinumdom lang ta niadtong estorya sa magtiayon nga under kaayo sa asawa ang bana. Matod pas asawa ngadto sa bana,”Huboa akong
blouse.” Hubo sab ang bana. “Huboa akong bra.” Hubo sab ang bana. “Huboa ang akong sayal.” Hubo sab ang bana. “Huboa akong panty.” Hubo sab ang bana. Sa nahuman na, niingon ang asawa ngadto sa iyang bana, “Sa sunod ha, ayaw og sul-ob sa di imoha.”
Giduso ni Speaker Pantaleon D. Alvarez ang usa ka balaudnon (House Bill 6027) nga maghimong gawasnon sa mga magtiayon gikan sa usa ka “unhappy marriage.” Matawag kini nga “failed
marriage” o pakyas nga kaminyuon kay wa may kalipay. Apan matod pa niya mapugos lang ang magtiayon nga mag-ipon kay lisod man ang pagpa-anular sa kaminyuon.
Matod pa ni Alvarez, kinahanglan nga sulbaron sa Kongreso ang isyu sa nabungkag na nga mga kaminyuon pinaagi sa usa ka balaudnon nga mag-anular sa kaminyuon nga di na moagi sa usa ka adversarial system. Magsabot-sabot na lang ang magtiayon nga managbuwag ug ang maong kasabotan aprobahan sa hukmanan. Ilakip sa maong kasabotan ang pag-atiman ug pagsuporta sa ilang mga anak.
Ang nakanindot niini, matod pa ni Alvarez, mao nga magpabiling managhigala ang bana ug asawa kay di na man kinahanglan nga magsinabligay silag lapok aron makombinsir ang huwes nga anulahon ang ilang kaminyuon.
Apan supak si Senior Deputy Minority Leader Lito Atienza sa Buhay Party-list sa HB 6027 kay matod pa niya kini
unconstitutional.
Subay sa 1987 Constitution, Article 2, State Policies and
Section 12: “The State recognizes the sanctity of family life and shall protect and strengthen the family as a basic autonomous social institution”; Article 15: “The Family; Section 1. The State recognizes the Filipino family as the foundation of the nation”.
“Marriage, as an inviolable social institution, is the foundation of the family and shall be protected by the State,” matod pa ni Atienza.
Giduso ni Speaker Pantaleon D. Alvarez ang usa ka balaudnon (House Bill 6027) nga maghimong gawasnon sa mga magtiayon gikan sa usa ka “unhappy marriage.