TAMBAGI KO, NOY KULAS

2 ang asawa

Dear Noy Kulas,

Maayong adlaw kanimo. Nia magpatambag kanimo kay naglisod ug naglibog ko sa problema kon mahibaw-an kini sa una kong asawa.

Usa ako kaminyo ug dunay tulo ka mga anak. Layo sa pamilya kay OFW. Sa kadugay nako diri trabaho sa abroad, I changed my religion into balikSa una nasuko akoa asawa kay lagi trabaho akoa giari ug dili relihiyon. Ug unya basin daw ko magminyo usab kay lagi allowed sa Muslim.

Nilabay ang unom ka tuig isip usa ka Muslim. May nakaila kong babaye diri abroad ug nagkahigugmaay mi. Sa duha ka tuig nga paghigugma niya kanako, na- convert usab siya pagka-Muslim ug nagpakasal mi sa relihiyong Islam.

Karon duha na ang akoang asawa puro gipakaslan. Una sa simbahan sa relihiyong Katoliko ug ikaduha sa mosque sa relihiyong Islam. Noy, parehas nako gihigugma ang duha, palihug tambagi ko: 1. Unsay angay kong buhaton para madawat ug masabtan ko sa una kong asawa nga duha sila sa akong kinabuhi? 2. Dapat ba ako mokuyog bakasyon sa December didto sa ikaduha kong asawa sa ilang probinsya kay gipatawag mi sa iyang mama? 3. Legal ba tanan sa akoa pagpakasal sa duha ka asawa? 4. Unsay dapat kong buhaton inig maabot na ko sa balay sa ikaduha kong asawa nga nasuko baya iyang pamilya?

Noy, hatagi intawn ako palihug sa bulawanon nimo tambag before Disyembre 1. ABDULLAH Abdullah,

Sa pagkakaron, lisod pa nang imong gusto. Way asawa nga malipay nga nahimo na silang duha sa imong kinabuhi. Labina kay Kristiyanos ang imong asawa. Usa ra ba gyud ang asawa kon Katoliko ka. Basin pipila ka buwan or tuig, masabtan ka sa imong asawa. Karon, ayaw lang una ipamugos na.

Ipa- assess daan sa imong ikaduhang asawa kon wa bay hulga sa imong kinabuhi kon moadto ka sa ilaha. Kon nasuko og maayo ang iyang pamilya nimo, basin unsa pa unyay mahitabo nimo didto. Mas nakaila siya sa mga sakop sa iyang pamilya. Mas maayong paunahon una nimo siya ug moapas ka lang niya aron una siyang makatan-aw sa sitwasyon sa ilaha.

Basin ubos sa Sharia Law, giilang legal ang imong kaminyuon. Pero pangutana sa Office of Muslum Affairs diri sa atoa kabahin niana kay legal ang imong pangutana. I Google lang ang ilang buhatan sa imong pangutana.

Kon makaadto ka sa ilang balay, pagbaton og kaikog. Pagpaubos lang nila. Natural masuko na sila pero wan a silay mahimo, kay magtiayon na man mo. Saari silang way ikatulo kay basin mahitabo, di ka na pasayluon sa pamilya. NOY KULAS