ELLEN ADARNA MABDOS
Manila – Ang Cebu Young Talent Inc., usa ka grupo sa talented nga mga batan-on sa Sugbo nga nag-edad 13 - 21 anyos.
Ang grupo nagsugod niadtong 2014 ug nailhan kaniadto isip Ohana Talents apan nailisan ang pangalan niini isip Young Talent mahitungod sa grabeng pagdawat og pag-suporta sa talentong Sugbuanon.
Gitukod kini aron sa mahatagan og higayon ang mga batan-on nga madiskubre ug mapalambo ang tagsa-tagsa nila ka-talento.
Ang Young Talent ang nagpasi- ugda sa full revival sa Visayan Entertainment Industry pinaagi sa pag- encourage ug pag- engage sa mga mga batan-on sa pagkanta, pagsayaw og mga Binisayang musika ug salida.
Sa ikatulo nga tuig sa maong grupo, nagkalig-on ang panaghigala og panag-uban nga daw usa ka pamilya.
Kabahin sa kalihukan sa ilang 3rd anniversary mao ang Anniversary Ball nga gipahigayon sa Rizal Public Library-Sinulog Hall kaniadtong November 11 diin gipakita sa mga batan-on ang nagkadaiyang mga desinyo sa mga gown ug suit nga gipahimo sa mga Bisdak nga Designers.
May basketball tournament sad sila kaniadtong November 12 sa Cebu City Sports Institute ug gipakita sa mga bagets ang ilang sportsmanship.
Si Johndro Sabuero, ang chairman sa Cebu Young Talents, masigarbuhon sa mga miyembro. “Gihatag gyud nila ang ilang oras, effort ug talento alang sa paghatag og kalipay sa mga tawo pinaagi sa ilang God-given talents ngadto sa ilang audience," matod ni Johndro.
Makita sa larawan ang mga miyembro sa Cebu Young Talents ug ang Chairman niini nga si Johndro Sabuero (unang linya, nakapula nga suit).