PASYENTE KASUHAN SA NURSE
BALAMBAN DISTRICT HOSPITAL
Mopasaka og reklamo ang 25-anyos nga nurse sa Balamban Provincial Hospital batok sa usa ka magtutudlo sa pampubliko nga tunghaan ug sa bana niini human siya giingong gi- harass niadtong Martes sa nakalabay nga semana.
Ang video sa maong pagpangharong nag- viral sa social
networking site nga Facebook. Ang nurse (ngalan gipugngan sa hangyo niini) lumad nga taga Barangay Matab-ang, Toledo City, nipasaka na og reklamo sa Balamban Police Station batok sa usa ka magtutudlo ug sa iyang bana (ilang ngan gipugngan usab) human siya pakauwawi sulod sa nurse’s station sa maong tambalanan.
Ang nurse nagkanayon nga nagpulipuli ang managtiayon sa pagpakauwaw kaniya ingon man gibira sa bana ang iyahang identification card.
Gisuwayan sa SunStar Cebu pagkuha ang habig sa magtudto apan nagdumili kini, “Kung mokiha man gani na siya, amo nalang atubangon,” dasion niini.
Ang video sa hitabo gi- share na og ka-16,000 kahigayon.
Subay sa maong insidente, ang Cebu Provincial Government ug Philippine Nurses Association (PNA) mohimo og linaing pakisusi.
Sa reklamo sa nurse iyang gisaysay nga nagtrabaho siya sa ilang station sa second floor pasado alas 12:00 sa udto niadtong Nobiyembre 14 dihang niduol ang maestra kaniya.
Ang maestra inubanan sa upat niini ka mga kauban sa balay nalandig sa tambalanan human sila nakasinati og acute gastroenteritis. Si Provincial Health Officer Dr. Rene Catan nagkanayon nga base sa ilang inisyal nga pakisusi, naglagot ang maestra human wala siya gi- assist sa mga nurse dihang ni- back flow ang dextrose niini.
Ang maong nurse niingon nga dili kaayo kabalak-an ang
backflow kay dili ni seryuso. Didto na nawagtangan og pasensya ang maestra.
Ang presidente sa PNA Cebu, Dr. Stephen Descallar, niingon nga gikondinar nila ang harrassment, “We denounce the act of harassment and maltreatment done to one of our nurses.”
Si Dr. Descaller maoy nihangyo sa pagtago sa ngalan sa biktima alang sa seguridad ug sa patas nga pabor, gipugngan usab sa Superbalita ang ngan sa maestra.
Si Catan nagkanayon nga naghuwat siya sa investigation
result sa chief of hospital sa Balamban. /