19 TIPS KON MOBIYAHE SA LAING NASOD
Karon nga nagsugod na ang pagpanghatag sa 13th
month pay ug tag-as nga bakasyon, usa sa mga plano sa barkada o pamilya kining paglarga sa laing nasod aron makabakasyon. Kon first timer ka, ania ang tips nga kinahanglan nimo buhaton, o dad-on sa dili pa ka molarga.
Seguridad ug Panglawas
1. Pa- check up daan sa imong docktor ug pahibaw-a imong insurance company. Mas maayo nga anaa ka’y sakto nga bakuna sa di pa molagra. Pangutan-a usab imong medical insurance provider kon mamahimo ba nimong magamit ang ilang serbisyo sa laing nasod.
2. Pagdala permi og kopya sa imong pasaporte. Kon simbako mawagtang imong pasaporte, mas maayo nga naa kay kopya daan aron makauli ka’s nasod.
3. Pagbilin usab og kopya sa pasaporte. Isip backup, pagbilin og kopya sa inyong panimalay o kaha paghimo og electronic copy ani ug ibutang sa imong email.
4. Rehistro sa embassy. Kon aduna’y problema sa nasod nga imong adtuan, mas maayo nga dali ka nga makontak sa gobyerno.
Kwarta
5. Pailis sa di pa molarga. Kwentaha daan kon aduna’y dakong kalahian, pangita og currency converter aron makapailis.
6. Siguradoa nga pwede nimong magamit
imong credit card sa nasod
nga imong adtuan. Sagad sa cards karon kay EMV na so mas dali na magamit, siguradoa sa imong bangko, tawagi daan, pahibawo.
7. Bisita sa banko o ATM sa nasod nga imong bisitahon. Mahal ang conversion sa airport ingon man sa pipila ka currency converter. Mas maayo sa bangko o ATM sa nasod nga imong bisitahon, dili kaayo dako ang kaltas, insakto usab ang ilis.
8. Pagdala og cash. Dili tanan lugar modawat og credit card, pagdala og cash permi.
9. Tawagi imong bangko ug credit card provider. Tip susama sa no. 6.
10. Pakisusi daan sa entrance ug exit fees sa nasod imong adtuan. Aduna’y nasod nga gikinahanglan nga mobayad og travel tax sa di pa molarga, susama sa Pilipinas.
Pagresearch
11. Palit og ticket daan sa lugar nga gusto nimong bisitahon. Aduna’y tourist sites nga gakinahanglan og ticket, palit
online daan kon mamahimo.
12. Pagkuha og guidebooks. Ang guidebooks aduna’y mapa, keyword o pinulungan nga mamahimo nimong magamit. Pwede kini ma- download sa smartphone pinaagi sa apps o kaha sa tourist desk sa airport.
13. Pag- research daan. Sa mga lugar nga gusto nimo/ninyo bisitahon.
Electronics
14. Pagdala og charger adopter. Lahi-lahi ang size sa plugs ug voltage sa nasod. Pakisusi daan.
15. Tan-awa ang boltahe sa imong electronics. Aron dili kini makaguba og gadgets, susiha una ang voltage sa nasod nga imong adtoan.
16. Pag- roaming. Mahal ni, depende sa imong mobile carrier. O kaha palit og sim sa nasod nga imong adtoan.
Luggage ug Packing
17. Pagbutang og sinina nga igo sa imong hand carry bag. Aron di ka ma- stress kon mawagtang imong bagahi kon gi- check in.
18. Sutaa kon kinahanglan ka mag- check-in baggage. Sagad sa airlines naghatag og 7kg nga baggage allowance sa hand carry baggage. Kon daghang pasalubong, palit daan og baggage allowance.
19. Pagdala og snacks. Chips, snack bars ug tubig. Ayaw kalimot kay gutom ning sig laag.