Sometimes I look at you

Nakahunong kog lakaw sulod sa Mall. Nagpaingon mi sa women’s department. Gusto ming mopalit si Carol og blouse. Naigking ko kay gisiko kog hinay ni Carol sa akong kilid. Mihunong sab diay siya paglakaw.

“Naunsa ka, Mona? Kinsa gud nang imong gitan-aw?”

Milingi ko kang Carol. Gipahiyoman ko siya. “Ah, wa man.” “Unsay wa? Kaklaro ana nga kanang laki ang imong gitan-aw? Nakaila ka niya?” Milingu-lingo ko. “Aw, di man diay nimo siya kaila. Tana, uy. Naa ra ba kunoy

new arrival nga mga blouse.”

Misunod na lang ko kang Carol nga mibira nako. Naghilom ko samtang namili mig mga blouse si Carol, morag wa ko sa akong hunahuna. Unya naigking ko kay gihapak og hinay ni Carol ang akong abaga.

“Hoy, my friend. Naunsa ka ba, uy? Nadutlan ka adtong lakiha?”

“Unsay nadutlan?” Gingisloan ko si Carol. “Nakakita ka adtong iyang kuyog nga babaye? Seguradong uyab to niya. uy.”

“Aw, naa ra man diay, na? So, ayaw na siya hunahunaa.”

Dihang nakapili na mi si Carol og blouse, gipabayran namo kini sa counter. Unya, nanggawas na mi sa Mall.

“Mangaon sa ta, uy, Mon. Gigutom na ko.” Gitan-aw ko ang akong wrist

watch. Alas dose na diay sa udto. Gibati ko na sab ang kagutom.

“Sige. Anha ta diha maniudto.”

Ang Mang Inasal nga diha ra duol namo ni Carol, maoy akong gitudlo. Nanglakaw dayon mi si Carol paingon sa maong kan-anan. Human mi maka- order ug nahatod na sa among lamesa ni Carol ang mga pagkaon ug drinks, nangaon dayon mi.

“Komusta na diay mo si Roman, Car?”

Miinom ko sa akong juice sa akong baso.

“As usual, away-balik. Awaybalik.”

Mikatawa og kusog si Carol. Nakapanglingo ko. Unya nahikatawa na lang sab ko. Nasuheto ko sa sitwasyon sa relasyon nila ni Carol ug Roman kay silingan mi sa gipuyan namo sa siyudad. Grabe ka selosa si Carol. Awayon dayon niya si Roman kon makita niya nga dunay gikaestoryang girl. Buwagan dayon niya si Roman. Unya, paglabay sa pipila lang ka mga adlaw, si Carol ra usab ang makigbalik kang Roman. “Haayy nimo, Carol.” Unya nakalingi ko sa lalaki og babaye nga misulod sa gikan-an namo ni Carol. (SUMPAYAN) PRINTED AND DISTRIBUTED BY PRESSREADER