LOLO MAKIGMINYO SA IYANG IKA-SIYAM NGA ASAWA
Mga kababayen-an gikan sa nagkadaiyang dapit sa kalibutan ang dunay interes kang Ron Sheppard dihang nangita kini sa iyang ika-siyam nga asawa.
Si Sheppard, giilang may labing daghang higayon nga nagpakasal sa Britanya, di makatuo nga ang may interes kaniya naggikan sa Estados Unidos, Vietnam, Ghana ug Australia.
Midugang siya nga mogamit siyag daghang paagi aron makuha niya ang sunod niyang asawa.
“I would expect wife number nine shortly at this rate. I just can’t fathom what they see in me. Perhaps it’s all part and parcel of being internationally
notorious,” matod sa 69 anyos nga si Sheppard sa taho sa Mirror News.
Matod niya nga moabot nag 10 ka babaye ang mikontak kaniya nga nangita usab og hinigugma sukad nga mideklarar siya nga wa nay asawa human ang iyang uyab nga 29 anyos nga si Cristel Lalec nibiya sa balay nga ilang gipuy-an.
Nitataw siya nga gasige og bagting ang iyang cellphone nunot sa mga mensahe nga gipadala kaniya niadtong mga nakagusto kaniya.
“It’s amazing – I have an avalanche of messages. Just wait until they see my Tinder. As soon as Cristel left I couldn’t move for messages of love from places like Ghana,” pahibawo niya.
Iyang gipadayag nga kay di naman siya batan-on gikinahanglan nga huna-hunaon na niya ang iyang mga desisyon kay di na siya buot nga moabot ngadto sa ika-10 nga asawa.
Ang iyang ikawalo nga asawa nga si Lalec, kinsa usa ka Filipino national, di ganahan sa iyang estilo.
“I can’t change who I am and that is the key to any relationship. You have to be true to who you are, so the impressions stay. I shall be practising them a lot now to make sure they’re all fine-tuned for my next relationship,” nagkanayon siya. Si Sheppard, kinsa mo-impersonate sama nilang Frank Spencer ug Del Boy Trotter nipadayag nga nalipay siya kon giunsa sa mga babaye nga makakatawa kaniya. “I think I have laughed them all into bed. I just find it really easy to charm and entertain them,” nagkanayon siya. Unang nakasal siya niadtong 1966 kang Margaret.
Aduna silay tulo ka mga anak apan human sa duha ka tuig nagbuwag sila.
Ang labing taas sa walo niya nga pagminyo niabot sa 13 ka tuig ug ang labing mubo mao ang 10 ka buwan.
Ang niretiro na nga si Ron, may sakit nga Parkinson’s, nibiyahe sa Pilipinas aron dalhon niya si Cristel niadtong milabayng tuig uban sa paglaum nga iyang mapakaslan ug malipayon sila magpuyo.
Moabot sa 12 ka buwan sila nagpuyo sa Somerton, Somerset hangtod nga nibiya si Cristel dihang ang Home Office nimando nga di siya pwede nga makapuyo sa United Kingdom busa mopauli kini karong buwana sa Pilipinas. /