DINAKPANAY SA OSMEñA BLVD.

Sugod sa Disyembre 1, ipatuman na sa Police Regional Office 7 ang discipline zone sa Osmeña Boulevard ug sa JY Square Rotunda sa Barangay Lahug diin ipatuman sa maong lugar ang tanang ordinansa sa Cebu City.

Gitigom ni Chief Supt. Jose Mario Espino, director sa PRO-7, uban ang representante gikan sa kagamhanan sa Cebu City ug mga opisyal sa kapulisan sa Mandaue ug Lapu-Lapu cities alang sa inter

agency meeting aron ipatuman ang discipline zone sa ilang tagsa-tagsa ka mga dapit.

Sa syudad sa Sugbo, giila na sa PRO 7 ang mahimong pilot

area sa discipline zone ang Osmeña Boulevard ug ang JY Square rotunda.

Matod ni Espino nga ang tanang mga ordinansa sa syudad sama sa pagdili sa pagpakanaog sa mga pasahero sa mga no unloading area ug no

loading area, paghawan sa illegal nga nag parking nga mga sakyanan ug naninda sa sidewalk lakip na ang pagtangtang sa hugaw nga mga graffiti.

Hugot nga idili ang mga tawo nga diha na nangatulog sa asiras ug ang pagsikop sa mga manigarilyo nga usa sa gimando ni Presidente Rodrigo Duterte.

Tinguha usab sa heneral nga buhaton sa syudad sa Mandaue ug Lalapu-lapu ang discipline

zone ug ilang ipatuman ang ordinansa sa ilang mga syudad.

“Ang idea itoy i-declare as discipline zone, number 1 sa Osmeña boulevard, we will no longer see yung graffiti. It has been a common sight na sa haba ng Osmeña boulevard then the vendors and street dwellers in mendicants area, plus yung traffic rules and regulations will be implemented walang parking, walang loading and unloading sa mga bawal,” matod ni Espino.

Ang PRO-7 ang mo monitor ning maong zone 24 oras inabagan sa kagamhanan sa syudad sa sugbo lakip na ang barangay nga nasakop sa discipline zone.

Matod ni Espino nga ilang dakpon kadtong mga tawo nga molapas sanglit dunay ordinansa ang Siyudad nga wa mapatuman dugay na.

Dako kini ug matabang sa pagkunhod sa kahuot sa dagan sa trapiko sa dapit ilabi na nga nagkaduol ang Pasko ug Sinulog matod ni Espino.

Gihangop usab kini sa Association of Barangay Council sa Sugbo pinaagi ni Kapitan Ramil Ayuman sa barangay Apas.

Matod ni Ayuman nga nindot kini nga programa.

Gani angay kini nga himuon sa kabarangayan nga moila usab sila og discipline zones.

Usa sa mga problema nga nakita ni Ayuman sa kabarangayan ang pagpataka lang og parking sa mga sakyanan sa karsada nga lisod nang maagian kon dunay motumaw nga emergency. /