Sugod na og hisgot og politika
Para nako sa tanang milabay nga administration kini nga administrasyon ni Presidente Rodrigo Duterte ang labing kontrobersyal.
Nag-una niini, ang kuwestiyunabling kampanya batok sa problema sa ilegal nga drugas nga miresulta sa extra judicial killing.
Butang butangan ang kontra sa pulitika sa isyu sa pagkalambigit sa ilegal nga drugas. Ug ang mosaway nga naa sa iyang administration, tangtagon ug plantiran og bati nga isyu. Ang pagpakatap ug mga fake news naglakip niini ang pagpamakak sa Presidente. Daghang saad nga way katumanan mao nga miubos ang pagsalig ngadto sa presidente.
Gipang away ang lider sa mga dagkong nasod sa gawas.
Sa isyu sa pulitika , kon wa ko masayop ang Partidong Demokratikong Pilipino (PDP) ang sayong nangandam alang sa 2019 nga midterm election.
Ilang gibasihan ang ang di pa lamang dugay natigayon ang mass oathtaking sa tanang magpa sakop sa partidong PDP dinhi sa Sugbo, nga gitambungan sa 50 mil ka mga tawo.
Atol sa kalihukan gipahibawo na ang mahimong kandidato sa pagka senador .
PULITIKA SA SUGBO
Atol sa tapoktapok kauban ang mga pulitiko nga akong natambungan migawas ang pangan sa posibling modagan sa siyudad sa Sugbo sa mga dagkong katungdanan.
Duna say mga kalihukan nga naghisgot og pulitika sa probinsya sa Sugbo. Naa nay mga pangan nga nanggawas alang sa pagka-gobernador ug bise gobernador. Sa akong mga higalang board member dunay pakisayod nga dunay dakong pulitiko nga di na modagan.
Apan ang akong kasayuran nagkanayon nga kon modagan posibleng sa mas taas nga katungdanan. Matod pa, dunay kanhi gobernador ang mobalik apan ang prayordidad mao ang pagka-senador. Gani padayon ang nagtimbang mao nga wa mahisguti ang pangan nga kandidato sa pagka senador atol sa kalihukan sa PDP.
Matod pa sa akong tinubdan gusto sa kanhi gobernador nga mag senador apan gihangyo sa kongresista ug mayor sa pagpadagan sa probinsya.
Samtang sa lungsod sa Tuburan, gibutyag sa akong tinubdan nga nakakuha og temporary restraining order ( TRO ) si Mayor Aljun Diamante.
Kini human midaog si Daphne Lagon sa iyang protesta. Pabor ni Diamante ang scenario ky sa panahon nga mapupos na ang adlaw sa gihatag nga TRO makalingkod si Lagoon.
Apan maayong balita si Diamante nga ang pagka last termer alang sa pagka mayor mahimong makapasubli sa pagkapili alang sa pagka mayor karong 2019.