Blue Eagles makabawi kaha?

Daw sa naghatag og dili maayong tilimadkining duha ka sunodsunod nga kapildihan sa Ateneo Blue Eagles sa naghinapos nga UAAP 80 seasons. Nakaposte na og 12-0 nga record sa duha ka eliminaton round ug nagkinahanglan sila og usa ka daog aron otomatikong mahiluna sa finals, apan wa kini nila makompleto human sila gipildi sa De La Salle University Green Archers sa katapusang adlaw sa elims phase.

Tungod sa maong kapildihan, imbis moderitso na sa finals, moagi na sila sa Round of 4. Ug isip no. 1 seed ilang naangkon ang twice-to-beat nga bintaha diin ilang ikaharong ang no. 4 nga ang Far Eastern University (FEU) Tamarraws, ang no. 4 ug katapusang qualifier sa semis.

Pero niadtong Dominggo, nausban na usab sila og kapukan sa dihang gidominar sila sa Tamaraws sa kinatibuk-ang duwa, 80-67.

Kini maoy nakapapugos sa do-or-die battle nga ipahigayon karong hapon didto sa Mall Asia Arena.

Si Ateneo coach Tab Baldwin miangkon nga dako ang kausaban sa dinuwaan sa iyang mga batos.

Daw sa nawad-an sa ilang kompiyansa ug dili na kini mokombati og hugot ilabi na sa hinapos nga bahin.

Posibli nga naapektohan ang moral sa Ateneo sa dihang napakgang ang ilang tinguha nga otomatikong masulod sa finals. Tiaw mo bay usa na lang ka daog ang gikinahanglan unya sa usa lang ka pamilok nasanta.

Mao nga kinahanglan mabalik ni Baldwin ang kanhiayng attitude ug enerhiya sa Blue Eagles nga mopakita gyud og saktong labok gikan sa sinugdanan hangtod sa katapusang away, kay kon dili mahimong masayang lang ang 12-1 nga ilang gihago-an sa elimination round.

Sa niaging tuig, kini sila gihapon ang nag-abot sa semifi round ug sa gihapon napildi ang Ateneo sa first game apan nakabawi kini sa rubbermatch.

Di man tuod nato masalikway nga mahitabo gihapon kini, pero sa gipasabot ko na sa unahan, dunay kalahian ang senaryo, kay kon sa sabong pa, nasakitan na ang Ateneo sa dihang napakyas sila sa paglabni sa otomatikong agianan alang sa finals nga usa na lang gyud unta ka tikang makab-ot na nila.

Kini maoy misyon karon ni coach Baldwin. Ang pagpabalik sa moral sa Blue Eagles. Atong gipaabot nga modagsa ang mga dumadapig sa matag habig karong hapon aron sa pag-abiba sa ilang tagsatagsa ka mga teams.

Minus og mga star player ang FEU apan daghang mga Sugboanon ang nagsunod niini tungod kay pipila sa ilang mga sinaligan mga kanhi Cebubased players sama nila ni Ron Dennison nga kanhi sakop sa UV Lancers, Monbert Arong sa SWU Cobras.

Ang modaog karong hapon maoy makaangkon sa katungod nga makigsangka sa nagpaabot nga De La Salle University Green Archers sa best-of-three finals.

May the best team win.