IKA-16 NGA SAGUNSON
Celtics nakaipsot batok sa Mavericks
Padayon ang Boston Celtics sa naandan na nilang gimbuhaton ning sayo nga bahin sa National Basketball Association (NBA) 2017-18
season: pagposte og kadaugan. Nagpakatap og iyang seasonnga 47 puntos si Kyrie Irving aron pangulohan ang Celtics sa pagbuntog sa host Dallas Mavericks, 110102, pinaagi sa overtime.
Mao kini ang ika-16 nga sunodsunod nga kadaugan sa Cetlics human sila nasubhan og duha ka sagunson nga kapildihan sa season.
Kini nga sunodsunod nga kadaugan nakatabla sa ikaupat nga labing taas sa kasaysayan sa Celtics.
Ikatulo sab kini nga sunodsunod nga duwa nga nakabangon ang Celtics gikan sa pagkalubong aron angkunon ang kadaugan.
Ang Mavericks, nga natagak sa 3-15 nga rekord, nakaposte og 13 puntos nga labaw, 87-74, sa nahabiling 7:47 minutos.
Apan human niini, nagbangis og maayo si Irving hangtod na sa overtime aron pangulohan ang pagbangon sa Celtics. Sa overtime, nakamugna si Irving og 10 puntos.
“For us it’s just about battling back when teams get a comfortable rhythm, whether it’d be in the first half or the second half,” matod ni Irving. “As a group we continue just to stick together throughout anything and everything.”
Nakailog og bola si Irving gikan kang Dirk Nowitzki unya iyang gipasahan si Jayson Tatum alang sa usa ka
alley-oop lay-up nga maoy nagtabla sa duwa, 96-96, sa nahabiling 1:01 minutos ug nakapugos sa overtime.
Sa overtime, si Irving ang nimugna sa nag-unang unom ka mga puntos sa Celtics.
Nakamugna og upat ka sunodsunod nga puntos sila si Jaylen Brown ug Irving aron hatagan ang Cetlics og 106-102 nga labaw sa nahabiling 48.5 segundos sa ovetime.
Human niini, wala na nakasikit pagbalik ang Mavericks.
“I don’t really see it as a pressure situation,” asoy ni Irving kabahin sa iyang krusyal nga mga puntos. “It’s just like playing basketball, man. It’s just like being in a park 7-7 and game is eight.”
Si Mavericks coach Rick Carlisle miangkon nga gianugnan siya nga nausik ang ilang ka-
higayunan nga mabuntog ang
labing init nga team sa season. “We just needed to make a couple more plays at key times,” asoy ni Carlisle. “Probably just one more key play in the last minute or minute and a half. That would have been the difference.”
Si Brown nidugang og 22 puntos alang sa Celtics, niamot og 15 puntos si Tatum samtang nitunol og 12 puntos si Marcus Smart.
Ang Mavericks nabiyaan og 15 puntos sa 1st half apan hinayhinay kining ninggukod ug ilang gilupig ang Celtics sa hinakutay og puntos, 55-35, gikan sa 2nd quarter paingon na sa 3rd quarter.
Hinuon nakamaniubra gihapon ang Celtics sa pagpangita’g paagi aron angkunon ang kadaugan pinaagi sa paggiya ni Irving.
Ang Mavericks gipangulohan ni Harrison Barnes pinaagi sa iyang 31 puntos, nihatag og 18 puntos si Wesley Matthews samtang nitampo og 16 puntos si J.J. Barea.