PAGBALIGYA SA PABUTO ESTRIKTONG IPATUMAN

Police Regional Office 7 estriktong mopatuman sa gipagawas nga Executive Order number 28 nga gipirmahan ni President Rodrigo Duterte pagdili sa pagpabuto sa firecrackers ning nagkaduol na nga Pasko sa bisan asang lugar. Kon kaniadto mahimong makapabuto sa mga firecrackers sa bisan asang lugar ang mga tawo nga way mosikop kanila, apan karon di na kini mahimo tungod sa kamandoan ni Presidente Rodrigo Duterte nga hugot na kining gidili.

Ang tumong ug tuyo niining maong kamandoan aron mamenosan ang mabiktima sa pabuto matag tuig.

Kadtong makalapas niini dunay silot nga nagpaabot

kanila. Makig-alayon sila sa mga barangay officials lakip na sa mga local government units (LGU) alang na sa pagpatuman niini sa tibuok Central Visayas sanglit sila ang gitahasan nga moila kon asa ang designated firecracker zone.

Una nang giila sa kagamhanan sa syudad sa Sugbo ang South Road Properties nga maoy lugar nga didto lang makabaligya sa bisan unsa nga klase sa pabuto nga gitugot sa balaod.

Apan ning bag-ong kamandoan gikan sa buhatan sa presidente, wa pa masayri kon asa sa lugar sa barangay mahimong didto pabuthon ang napalit nga pabuto.

“Kon kaniadto pabuto lang ka bisan asa, karong panahona duna nay i- designate nga area kon asa ka magpabuto, depende sa local government or sa barangay kon asa niya i-pwesto, asa mobuto,” matod ni Supt. Reymar Tolentino.