Del Mar may pahimangno

Makapasamot sa suliran sa gidili nga drugas ug makabahinbahin ug mameligro ang nasod kon i- legalize ang paggamit sa marijuana isip tambal.

Kini ang nakita ni Kongresista Raul Del Mar nga nipadayag og pagsupak sa paghimo nga balaod sa House Bill 6517 kun balaudnon nga mag- legalize sa marijuana nga gamiton sa pagtambal og sakit.

Ang kongresista sa amihanang distrito sa Cebu City nihangyo sa iyang kaubanang mga magbabalaod nga tun-an og maayo ang balaudnon sa dili pa ipalabang.

Sa iyang privileged speech, si del Mar nipadayag sa pipila ka mga punto sa iyang pagsupak sa HB 6517. Siya nipasabot ang marijuana gideklarar sa Single Convention Narcotics sa United Nations niadtong 1961 nga delikado ug “highly addictive” nga makadaot sa panglawas.

Gani, ang marijuana, sumala niini, usa usab sa mga gidili ubos sa Republic Act 9165 kun Comprehensive Dangerous Drugs Act of 2002.

Siya nibutyag ang Philippine Medical Association, labing dako nga grupo sa mga doktor, sa pamahayag nga giluwatan niadtong Nobiyembre 7, nisupak sa pag- legalize sa medical marijuana uban sa pasidaan nga ang balaudnon maabusohan kay mahimo nga kalingawan ang pagpagamit sa marijuana. Bisan ang technical working

group sa University of Manila nga nagtuon sa medical cannabis, matod niya, supak usab kay makadaot sa panglawas.

“Marijuana is not something with miraculous properties of healing,” matod ni del Mar, kinsa nidugang nga nasukwahi kini sa mga tambal nga nasuwayan ug namatud-an sa Food and Drug Administration nga luwas, legal ug epektibo sa pagtambal og mga sakit.

...why increase the risk of having more drug addicts through the so-called legalized marijuana?” - pangutana ni Kongresista Raul del Mar sa tinguhang paghimong legal sa marijuana.