Pagpalabay og hugaw gipahunong
Giklaro ni Environmental Management Bureau (EMB) 7 Director William Cuñado nga di pasirad-an sa iyang buhatan ang mga negosyo nga naglabay sa ilang hugaw sa sapa sa Butuanon habig sa dakbayan sa Mandaue.
“I’m not saying to stop the business, I am saying stop the discharging the waste water to Butuanon River,” matod ni Cuñado.
Siya niingon nga di na nila palabayon og waste water ug mga kemikal ang mga kompanya duol sa sapa sugod sa sunod semana.
Pahibaw-on na usab sa EMB 7 ang mga establisamento kalabot sa maong lakang.
Sugod sunod semana, ang EMB 7 mopakatap na usab ug mga kawani niini nga maoy subsub nga momitor sa aktibidad sa mga establisamento o kompanya kilid sa sapa.
Kini maoy hinungdan nga natukod sa ahensya ang Butuanon River on the Move Management (BROMM).
Saysay ni Cuñado nga sa di pa ang site monitoring sa mga BROMM personnel, ipaubos una nila og information dissemination ang mga industriya
kilid sa sapa.
Dugang niya nga ilang pahibaw-on ang mga kompanya nga makig-alayon sa mga pribadong entidad aron paglimpyo sa ilang waste water aron kini magamit pag-usab o usa pa kini ilabay.
“Compile your pollution within your company. Then find a third party who can treat your wastewater. It’s win-win solution for the company and the environment. Through that, we are helping us nga di na ma-pollute ang environment and also we are helping them. Di ang environment ilang isakripisyo alang sa ilang business,” sumala pa ni Cuñado.
Paambit niya nga dakong kalapasan sa section 27 sa Clean Water Act ang paglabay og
waste water sa sapa nga may multa nga pinagamay, P10,000.
Nagtuo si Cuñado nga makatabang unya sa kahimtang sa sapa ang ilang pagmonitor ug pagdili sa mga kompanya ug labay sa ilang mga hugaw niini.
Ang pag- monitor usab sa mga sakop sa BROMM himuon kini matag adlaw di sama sa monitoring sa ahensya niadto.