KWATRO ISLAS GIDAGSA SA MGA TURISTA

Ang upat ka mga gagmayng isla sa Inopacan, Leyte ang usa sa mga atraksyon karon nga gibisita sa mga lokal ug langyaw nga turista gawas sa Sugbo.

Kun gusto ka mo- relax, bisitaha ang Kwatro Islas nga gilangkuban sa mga isla sa Digyo, Mahaba, Himokilan ug Apid.

Sayon ra ang pagbisita sa mga isla tungod kay duna nay nagpaabot nga mga bangkero nga andam mohatag og

“tour” sa gustong mobisita sa upat ka isla.

Kun maggikan sa Sugbo, sakay sa mga barko nga mobiyahe paingon sa Ormoc o Hilongos, Leyte.

Pag-abot sa Ormoc, sakay og van nga moagi sa lungsod sa Inopacan ug hunong mismo sa munisipyo sa lungsod.

Kon anaa naka sa munisipyo, lakaw sa luyong bahin o sa gitawag nila nga boulevard diin naghuwat ang mga bangkero alang sa island hopping.

Kun wa moy plano nga mag- overnight, mas maayo nga mosayo og adto sa boulevard aron matagbaw sa pagsuroy sa upat ka isla sanglit sa alas 7:00 pa lang sa buntag, sugod na island hopping. Ang usa ka bangka dunay rate nga P3,000 alang sa island hopping alang sa 12 ka tawo. Puno og P500 kon mag- overnight sa isla.

Sa upat ka isla, sa Himolikan lang gitugtan nga makaovernight. Duna nay suga sa isla ug mga accommodation nga maabangan alang sa pag- overnight:

P500- open cottage; P1,000closed cottage, ug P300 sa tent. Di na usab mabalaka kun ugaling way dalang pagkaon sanglit dunay pipila ka mga tindahan sa isla nga makapalit og preskong isda ug uban pa.

Mamahimo usab nga magpaluto sa mga caretaker sa isla ug mobayad lang og P50 matag putahi nga ipaluto.

Gawas nga maka-bonding mo sa inyong mga higala, makarelax usab kamo sa maanindot ug tin-aw nga dagat ug pino nga bas sa isla.

Kun ganahan mo og sports, mamahimo usab nga makaduwa og beach volleyball. Nindot usab ang sunrise ug sunset sa isla mao nga mas maayo nga mag- overnight sa isla.

Di sama sa ubang sikat karon nga isla, pipila pa lang ang mobisita sa Kwatro Islas mao nga mas maayo nga mobisita na bisan layo pa ang summer. /