Pacquiao mobiya sa politika?
Gusto nang mobiya sa politika si Senador Manny Pacquiao. Gani iya nang gisultihan ang iyang asawa nga si Jinky mahitungod niini.
Apan unsa man kaha ang hinungdan ug katarungan nga gusto man siyang mobiya sa politika? Ang tanang butang nga nahitabo o manghitabo pa may hinungdan ug katarungan man gayud.
Di ba nga sa unahan gusto na siyang moretiro sa boksing? Nakaretiro na ba siya? Naglisod man gani siyag retiro sa boksing nga mabun-og siya matag saka sa kwadrado nga ring, sa politika pa kaha nga sitting pretty ra siya? Absinero pa.
Matod pa ni Pacquiao dismayado siya sa politika ilabi na sa mga politiko nga dunay mga hidden agenda. Nisamot pa nga dunay mga politiko nga gustong tay-ugon ug samukon ang gobyerno.
Alang kaniya serbisyo lang alang sa kaayohan sa katawhan nga nag-antos sa kakabus. Siya mismo nahaw-as sa kakabus gumikan sa iyang paningkamot.
Mao kini ang hinungdan nga gusto siyang mobiya sa politika. Apan kon mobiya siya sa politika, mawagtang na ang posibilidad nga mahimo siyang presidente sa Pilipinas?
Ang giingon ni Pacquiao nga gusto siyang moretiro sa politika. Wa siya niingon nga moretiro na siya sa politika.
Naghuna-huna pa lang siya. Pero iyang gipadayag kanato ang iyang huna-huna tingali sa pamasin nga dunay mopugong kaniya.
Apan kinahanglan ba siyang pugngan? Kinsa may makapugong kaniya nga naghuna-huna pa man lang siya sa pagbiya sa politika?
Gani matod pa niya, kon makahukom siya nga magpabilin sa politika matod pa niya, andam siyang modawat sa bisan unsang posisyon nga ihatag sa Ginoo ngadto kaniya.
Atong makita dinhi nga si Pacquiao nahimo na nga usa ka hingpit nga politiko.
“Ito lang masasabi ko sa lahat, especially yung mga naga-aspire na maging presidente: It is impossible to become president without the approval from God,” matod pa niya. Amen.
Ang giingon ni Pacquiao nga gusto siyang moretiro sa politika. Wa siya niingon nga moretiro na siya sa politika. Naghuna-huna pa lang siya. Pero iyang gipadayag kanato ang iyang huna-huna tingali sa pamasin nga dunay mopugong kaniya.