Angay ba balikan?

Dear Papa Joe,

Tawga lang ko sa ngalan nga JEM, usa ka estudyante. Naa koy usa ka crush nga classmate nako pud nga mauwaw ko niya motagad. There’s a time nga nagtabi sila sa akong mga amiga, wala ko kahibaw nga ako diay ang ilang gihisgutan so na nakuyawan ko.

Pila ka minuto ang nakalabay, nahuman na silag tabi sa akong mga amega. Nisulti pod nako ang akong amiga sa ilang gatabian kaning lakiha, Papa Joe, ginganlan lang nakog Niño. Nagkauyab mi niya pag one month namo. Nagbuwag mi, wala ko kahibaw sa rason nganong nagbuwag mi. Pipila ka days sa among break, nisulti siya nako nga makigbalik siya. Tambagi ko be kon unsa ang akong itubag niya. JEM Jem,

Para bitaw na maka sure ka sa pagbati sa usa ka tawo nimo, kinahanglan na moagi gyud siya sa usa ka proseso ug mao na ang pagpangulitaw nimo sa pinaagi sa pamisita. Kinaraan man pero mas mailhan nimo ang tumong niya kay kanang nagkauyab lang mo kay naa ba roy tupo-tupo or ni take advantage siya nimo tungod kay nasayud siya nga nakagusto ka niya.

Maybe sa sinugdanan wala gyud siyay love nimo tungod sa challenge. Pero basin pagkabuwag ninyo, na- realized niya nga naa diay siyay pagbati nimo. Mao nga I- challenge na sad siya nga kon gusto siya nga manguyab nimo, moagi siya sa sakto kanang mamisita kay kanang kamo kamo ra nasayod sa inyong relasyon sa eskwelahan lang, daghang milagro mahitabo ana. Basin ulahi na ang tanan. Ug sa katapusan, mas maayo nga hatagan nimo og importansya ang imong pagtuon kaysa tagaan na nimo og kabug-aton. Daghang salamat. PAPA JOE